Median.Az xəbər verir ki, Bakı şəhər Baş Polis İdarəsi (BPİ) Təhlükəsiz Şəhər Xidməti və Suraxanı RPİ 31-ci polis bölməsi əməkdaşlarının birgə keçirdikləri əməliyyat-axtarış tədbirləri nəticəsində, noyabrın 8-də Bülbülə qəsəbəsindən, qəsəbə sakini Elxan Heydərovun “VAZ-21063” markalı avtomobili qaçıran Bakı şəhər sakini İbrahim İbrahimov, noyabrın 11-də Zabrat qəsəbəsi ərazisində avtomobillə birlikdə saxlanılıb.
Bundan başqa, Yasamal RPİ 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində İ.Bünyatova məxsus
“Geely” markalı avtomobili qaçıran Polad Nazarov saxlanılıb.
Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Babək Əzizliyə məxsus
“VAZ-2107” markalı avtomobili qaçıran Mirəli İbrahimli saxlanılıb.
Xəzər RPİ 1-ci polis şöbəsinin əməkdaşları noyabrın 4-də Mehman Tarverdiyevin “VAZ-2107” markalı avtomobilini qaçıran Türkan qəsəbə sakini Vüqar Mustafayev saxlanılıb.
Xətai RPİ 34-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində şirkətlərdən birinə məxsus “Toyota” markalı avtomobili qaçıran qrupun digər üzvü - Əlisoltan Cavadov saxlanılıb. Araşdırma zamanı, onun oktyabrın 17-də “Hyundai” markalı avtomobildən 600 manat və 100 dollar oğurlaması müəyyən edilib.
Faktlarla bağlı istintaq aparılır.
Şahidi olduğunuz hadisələri çəkib bizə göndərin!
Son Əlavə