Median.Az xəbər verir ki, aprelin 11-i saat 9 radələrində Nəsimi rayonunun A.Məhərrəmov küçəsindən Abşeron rayon sakini V.Novruzlunun “VAZ-2107” markalı avtomobili qaçırılıb.
Nəsimi RPİ 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçıran Bakı şəhər sakini Ə.Zeynallı saxlanılıb.
Bundan başqa, Binəqədi RPİ 40-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini C.Kərimovun “VAZ-2106” markalı avtomobilini qaçıran Bakı şəhər sakini, əvvəllər məhkum olunmuş N.Həsənzadə saxlanılıb.
Aprelin 9-u gecə saat 2 radələrində Səbail rayonunun Ü.Hacıbəyov küçəsindən Bakı şəhər sakini A.Qəhrəmanovun “Mercedes” markalı avtomobili qaçırılıb.
Səbail RPİ 39-cu polis bölməsi əməkdaşlarının keçirdikləri əməliyyat-axtarış tədbirləri nəticəsində avtomobilin Zərdab rayon sakini M.Bəkirli tərəfindən qaçırılması və həmin gün səhər saat 5 radələrində Q.Qarayev prospektində idarə edilərkən Bakı şəhər sakini G.Ağazadənin idarə etdiyi “Hyundai” markalı avtomobillə toqquşması müəyyən edilib.
M.Bəkirli 39-cu polis bölməsinin əməkdaşları tərəfindən saxlanılıb.
Faktlarla bağlı cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə