Şirvan Apellyasiya Məhkəməsində Sabirabad şəhər sakini Firqət Əliyevin (1976-cı il təv.) CM-nin 120.2.7-ci (iki və ya daha çox şəxsi qəsdən öldürmə) maddəsi ilə barəsində olan hökmdən verilən apellyasiya şikayəti üzrə məhkəmə prosesi başa çatıb.

Median.Az xəbər verir ki, bu il mayın 11-də əvvəllər məhkum olunmuş Firqət Əliyev Sabirabad rayon ərazisində Teymur Sadıqovu bıçaq zərbələri ilə qətlə yetirib, sonra Saatlı rayonunun Sarıcalar kəndinə yollanaraq, orda münaqişə zəmnində həmyerlisi Kamran Yaqubovu öldürüb. Həmin gün o, Sabirabad RPŞ-nin əməkdaşları tərəfindən saxlanılıb.

İş üzrə dindirilərkən Firqət Əliyev bildirib ki, Teymur Sadıqov və Kamran Yaqubov onun ünvanına söyüşlər işlədiblər, buna görə o onları qətlə yetirib.

Lənkəran Ağır Cinayətlər Məhkəməsinin hökmü ilə F.Əliyev ömürlük azadlıqdan məhrumetmə cəzasına məhkum olunub.

Hökmdən narazı qalan məhkum apellyasiya şikayəti verib.

Şirvan Apellyasiya Məhkəməsinin qərarı ilə F.Əliyevin apellyasiya şikayəti təmin edilməyib, hökm dəyişdirilmədən saxlanılıb.скачать dle 11.3