Bakı Apellyasiya Məhkəməsində Bakı şəhər sakini Rəsul Hüseynovun (1983-cü il təv.) CM-nin 120.1-ci (qəsdən adam öldürmə) maddəsi ilə barəsində olan hökmdən verilən apellyasiya şikayəti üzrə məhkəmə baxışı başlayıb.

Median.Az xəbər verir ki, ötən il iyulun 17-də Pirallahı RPŞ və rayon prokurorluğunun əməkdaşları Pirallahı qəsəbəsi, S.Bağırov küçəsi, 14 ünvanında Bakı şəhər sakini Mariya Qəhrəmanovanın meyitini aşkar ediblər.

Araşdırma zamanı, həmin gün səhər saat 6 radələrində M.Qəhrəmanova ilə birgə yaşayan qohumu, əvvəllər məhkum olunmuş Rəsul Hüseynov arasında münaqişə baş verməsi və sonuncunun, onun baş nahiyəsinə yumruqla zərbə vuraraq, qətlə yetirməsi müəyyən edilib.

Keçirilmiş əməliyyat tədbiri nəticəsində R.Hüseynov saxlanılaraq, istintaqa təhvil verilib.

Bakı Ağır Cinayətlər Məhkəməsinin hökmü ilə təqsirləndirilən şəxs 13 il müddətinə azadlıqdan məhrumetmə cəzasına məhkum olunub.

Hökmdən məhkum apellyasiya şikayəti verib.скачать dle 11.3