Median.Az xəbər verir ki, DİN Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının Gəncə şəhəri ərazisində keçirdikləri əməliyyat-axtarış tədbirləri nəticəsində, əvvəllər məhkum olunmuş Elman Həsənovun evindən 25 kq. 882 qram marixuana aşkar edilərək götürülüb.

Bundan başqa, Beyləqan RPŞ-nin əməkdaşları keçirdikləri əməliyyat tədbiri nəticəsində şəhər sakini, əvvəllər məhkum olunmuş Anar Qasımovu saxlayıblar. Şəxsi axtarış zamanı onun üzərindən narkotik vasitə aşkar edilib, davam etdirilən tədbirlərlə yaşadığı evdən əlavə olaraq 1 kq. yaxın marixuana götürülüb.

Masallı RPŞ əməkdaşlarının əməliyyat-axtarış tədbirləri nəticəsində Köçərli kənd sakini Tarix Gülverdizadənin idarə etdiyi “Mercedes” markalı avtomobildən 208 ədəd, şəhər sakini, əvvəllər məhkum olunmuş Cahid Bağırovdan isə 53 ədəd metadon həbləri götürülüb.

C.Bağırova həbləri satan Ərkivan qəsəbə sakini Səid Məmmədli müəyyən edilərək saxlanılıb.

Faktlarla bağlı cinayət işləri başlanılıb, istintaq gedir.скачать dle 11.3