Məktəb direktoru ilə usta arasında qalmaqal: “Üstümə daş atdı…”
“Məktəbdə xəsarət alıb xəstəxanaya yerləşdirildim, amma bir dəfə də olsun müdiriyyət mənimlə maraqlanmadı”.
Bu sözləri Sumqayıt şəhər 9 nömrəli məktəbdə usta kimi çalışan Hüseynov Rafiq Hüseyn oğlu bildirib. Onun sözlərinə görə, aprel ayının 24-də adıçəkilən təhsil müəssisəsində işləyərkən nərdivandan yıxılıb və ağır xəsarət alıb. O, iddia edir ki, yıxıldığı zaman məktəb direktoru ona təcili yardım çağırmaqdan belə imtina edib. Həmin tarixdən etibarən xəstəxanada yatan R.Hüseynov məktəb müdiriyyətinin onunla bir dəfə də olsun maraqlanmadığından şikayətlənib.
Sözügedən məktəbin direktoru Həqiqət Abdullayeva ilə əlaqə saxladıq. H.Abdullayeva bildirdi ki, R.Hüseynovun həmin məktəbin həyətində evi var və hadisənin hansı zəmində baş verdiyini görən olmayıb: “Biz həmin şəxslə məktəbin pəncərələrinə taxılması üçün “raşotka”ların (dəmir barmaqlıqlar) hazırlanmasına görə danışmışdıq. İşini vaxtında görmədiyi üçün ona bildirdim ki, görəcəyi iş bizə lazım deyil. Mənim xəbərim olmadan işin icrası üçün məktəbin müəllimlərindən pul alıb. Pulun qaytarılması üçün ona dəfələrlə müraciət etmişəm. Bildirib ki, pulu qaytaran deyil və istədiyi vaxt gəlib işi icra edəcək. Hadisə baş verdiyi gün heç nədən xəbərim olmayıb. Bir də eşitdim ki, deyirlər həmin şəxs yıxılıb. Getdim yanına və gördüm ki, yerdə, başının altına yastıq qoyularaq uzanıb. Maraqlanmaq istədim, amma üstümə daş atdı. Hadisənin hansı zəmində baş verdiyini bilmirəm, görən də olmayıb. İndi siz deyin, mənim üstümə daş atan adamla necə maraqlanım?!”
Hüquqşünas Ruslan Mustafayev bildirdi ki, işçi əgər iş prosesində xəsarət aldığını sübut edə bilərsə, işəgötürəndən qanunla icra edilməli olan proseslərin həyata keçirilməsini tələb edə bilər: “İşçi orada faktiki olaraq işlədiyini və iş zamanı xəsarət aldığını sübut edə bilərsə, işəgötürən qanunvericiliyin tələblərinə uyğun olaraq üzərinə düşən bütün prosesləri həyata keçirməlidir. Amma əmək müqaviləsi imzalanmayıbsa, bunu sübut etmək bir qədər çətin olacaq. Çünki bu hadisənin həqiqətən baş verdiyini sübut edəcək olanlar oradakı digər işçilərdir. Buna baxmayaraq Əmək Müfəttişliyinə şikayət edə bilər. Müfəttişlik araşdırma aparıb işçinin əmək müqailəsiz işlədiyini aşkarlasa, bunun nəticəsində işəgötürəni cərimələr gözləyə bilər. İşçi də müfəttişliyin ona verdiyi rəsmi sənədlərə əsaslanaraq öz hüququnu tələb edə bilər”.//xeberle.com
Bu sözləri Sumqayıt şəhər 9 nömrəli məktəbdə usta kimi çalışan Hüseynov Rafiq Hüseyn oğlu bildirib. Onun sözlərinə görə, aprel ayının 24-də adıçəkilən təhsil müəssisəsində işləyərkən nərdivandan yıxılıb və ağır xəsarət alıb. O, iddia edir ki, yıxıldığı zaman məktəb direktoru ona təcili yardım çağırmaqdan belə imtina edib. Həmin tarixdən etibarən xəstəxanada yatan R.Hüseynov məktəb müdiriyyətinin onunla bir dəfə də olsun maraqlanmadığından şikayətlənib.
Sözügedən məktəbin direktoru Həqiqət Abdullayeva ilə əlaqə saxladıq. H.Abdullayeva bildirdi ki, R.Hüseynovun həmin məktəbin həyətində evi var və hadisənin hansı zəmində baş verdiyini görən olmayıb: “Biz həmin şəxslə məktəbin pəncərələrinə taxılması üçün “raşotka”ların (dəmir barmaqlıqlar) hazırlanmasına görə danışmışdıq. İşini vaxtında görmədiyi üçün ona bildirdim ki, görəcəyi iş bizə lazım deyil. Mənim xəbərim olmadan işin icrası üçün məktəbin müəllimlərindən pul alıb. Pulun qaytarılması üçün ona dəfələrlə müraciət etmişəm. Bildirib ki, pulu qaytaran deyil və istədiyi vaxt gəlib işi icra edəcək. Hadisə baş verdiyi gün heç nədən xəbərim olmayıb. Bir də eşitdim ki, deyirlər həmin şəxs yıxılıb. Getdim yanına və gördüm ki, yerdə, başının altına yastıq qoyularaq uzanıb. Maraqlanmaq istədim, amma üstümə daş atdı. Hadisənin hansı zəmində baş verdiyini bilmirəm, görən də olmayıb. İndi siz deyin, mənim üstümə daş atan adamla necə maraqlanım?!”
Hüquqşünas Ruslan Mustafayev bildirdi ki, işçi əgər iş prosesində xəsarət aldığını sübut edə bilərsə, işəgötürəndən qanunla icra edilməli olan proseslərin həyata keçirilməsini tələb edə bilər: “İşçi orada faktiki olaraq işlədiyini və iş zamanı xəsarət aldığını sübut edə bilərsə, işəgötürən qanunvericiliyin tələblərinə uyğun olaraq üzərinə düşən bütün prosesləri həyata keçirməlidir. Amma əmək müqaviləsi imzalanmayıbsa, bunu sübut etmək bir qədər çətin olacaq. Çünki bu hadisənin həqiqətən baş verdiyini sübut edəcək olanlar oradakı digər işçilərdir. Buna baxmayaraq Əmək Müfəttişliyinə şikayət edə bilər. Müfəttişlik araşdırma aparıb işçinin əmək müqailəsiz işlədiyini aşkarlasa, bunun nəticəsində işəgötürəni cərimələr gözləyə bilər. İşçi də müfəttişliyin ona verdiyi rəsmi sənədlərə əsaslanaraq öz hüququnu tələb edə bilər”.//xeberle.com
