Müəllimlər üçün güzəştlər daimi olmalıdır – AÇIQLAMA
Təhsil işçiləri üçün “TəhsilPlus” kartı vasitəsilə ictimai nəqliyyatda güzəştli gediş kampaniyasının tətbiqi müəllimlərin sosial rifahı məsələsini yenidən gündəmə gətirib. Noyabrın 2-dən 30-dək davam edəcək kampaniya çərçivəsində müəllimlər həftəiçi ilk gedişlərini 1 qəpiyə edə biləcəklər. Bu addımın gələcəkdə daimi güzəşt mexanizminə çevrilməsi və digər təhsil işçilərini də əhatə etməsi məsələsi maraq doğurur.
Bu barədə təhsil eksperti Məzahir Məmmədli Median.Az-a açıqlamasında deyib ki, son dövrlər müəllimlər üçün güzəştli kartların təqdim edilməsi, ictimai nəqliyyatda və müxtəlif mağazalarda endirimlərin tətbiqi məsələsi müzakirə olunur:
O qeyd edib ki, belə bir yanaşma həm dövlətin müəllimlərə diqqətini nümayiş etdirər, həm də cəmiyyətdə onlara qarşı hörmət və diqqətin artmasına töhfə verər:
Bu barədə təhsil eksperti Məzahir Məmmədli Median.Az-a açıqlamasında deyib ki, son dövrlər müəllimlər üçün güzəştli kartların təqdim edilməsi, ictimai nəqliyyatda və müxtəlif mağazalarda endirimlərin tətbiqi məsələsi müzakirə olunur:
“Tələbələr üçün də oxşar güzəştlərin yaradılması nəzərdə tutulur. “TəhsilPlus” kartının həm müəllimlərə, həm də tələbələrə şamil edilməsi, şübhəsiz ki, onlar üçün əlavə stimul ola bilər. Bu təşəbbüs onların sosial rifahını tam şəkildə yaxşılaşdırmasa da, göstərilən diqqətin və qayğının ifadəsidir. Müəllimlərə bu cür imkanların yaradılması onların cəmiyyətdəki mövqeyinə və nüfuzuna müsbət təsir göstərə bilər. Güzəştlər yalnız kampaniya xarakteri daşımamalı, davamlı şəkildə tətbiq olunmalıdır”.
O qeyd edib ki, belə bir yanaşma həm dövlətin müəllimlərə diqqətini nümayiş etdirər, həm də cəmiyyətdə onlara qarşı hörmət və diqqətin artmasına töhfə verər:
“Bu da müəllim nüfuzunun yüksəlməsinə təsir edən amillərdən biri ola bilər. Təhsilin İnkişafı Fondunun həyata keçirdiyi layihələr çərçivəsində bu imkanların daha da genişləndirilməsi, gələcəkdə həm müəllimlərə, həm də tələbələrə müxtəlif sahələrdə güzəştlərin daimi əsaslarla tətbiqi mühüm stimullaşdırıcı addım olardı”.
