İnterpolun tutaraq Bakıya gətirdiyi sabiq gömrük əməkdaşı həbsdən azad edildi
Bir müddət əvvəl İnterpolun Milli Mərkəzi Bürosu vasitəsilə Ukraynada saxlanılaraq Azərbaycana gətirilən vəzifəli şəxs həbsdən azad edilib.
Median.Az "Teleqraf"a istinadən xəbər verir ki, Baş Gömrük İdarəsinin Əməliyyat Təhqiqat İdarəsinin Əməliyyat şöbəsinin böyük əməliyyat müvəkkili olmuş Ənvər Tağıyevin barəsində seçilmiş həbs qətimkan tədbiri dəyişdirilib və onun barəsində başqa yerə getməmək barədə qətimkan tədbiri seçilib.
İttihama görə, Ənvər Tağıyev Baş Gömrük İdarəsinin Əməliyyat Təhqiqat İdarəsinin Əməliyyat şöbəsinin böyük əməliyyat müvəkkili vəzifəsində işləyərkən digər vəzifəli şəxslərlə cinayət əlaqəsinə girərək qaçaqmalçılıq cinayəti törədib.
Baş prokuror yanında Korrupsiyaya qarşı Mübarizə Baş İdarəsində ibtidai istintaqı aparılan cinayət işi üzrə Ənvər Tağıyevin qaçaqmalçılıq cinayətini törətməsinə, habelə aksiz markası ilə markalanmalı olan həmin yükü markalanma olmadan satış məqsədilə saxlamasına əsaslı şübhələr müəyyən edilib.
Həmin şəxs barəsində təqsirləndirilən şəxs qismində cəlb etmə barədə müvafiq qərar qəbul edilib, istintaqdan yayınaraq gizləndiyinə görə İnterpolun Milli Mərkəzi Bürosu vasitəsilə beynəlxalq axtarış elan olunub. Keçirilmiş tədbirlər nəticəsində onun Ukrayna ərazisində yeri müəyyən edilərək saxlanılması təmin olunub.
Təqsirləndirilən şəxs Cinayət Məcəlləsinin müvafiq olaraq 206.4 (mütəşəkkil dəstə tərkibində külli miqdarda qaçaqmalçılıq), 213-1.2.1, 213-1.2.2, 213-1.2.3 (qabaqcadan əlbir olan bir qrup şəxs tərəfindən təkrarən külli miqdarda aksiz markası ilə markalanmalı olan malları belə marka olmadan satış məqsədi ilə saxlama) maddələri ilə təqsirləndirilən şəxs qismində cəlb ediliblər.
Qeyd edək ki, Bakı Ağır Cinayətlər Məhkəməsində Ənvər Tağıyevin cinayət işi üzrə məhkəmə başlayıb. Hakim Azər Tağıyevin sədrliyi ilə keçirilən prosesdə dövlət ittihamçısı ittiham aktını elan edib.
İttihama münasibət bildirən təqsirləndirilən şəxs ona elan olunmuş ittihamla özünü təqsirli bilməyib.
Növbəti proses noyabrın 12-də davam edəcək.
Median.Az "Teleqraf"a istinadən xəbər verir ki, Baş Gömrük İdarəsinin Əməliyyat Təhqiqat İdarəsinin Əməliyyat şöbəsinin böyük əməliyyat müvəkkili olmuş Ənvər Tağıyevin barəsində seçilmiş həbs qətimkan tədbiri dəyişdirilib və onun barəsində başqa yerə getməmək barədə qətimkan tədbiri seçilib.
İttihama görə, Ənvər Tağıyev Baş Gömrük İdarəsinin Əməliyyat Təhqiqat İdarəsinin Əməliyyat şöbəsinin böyük əməliyyat müvəkkili vəzifəsində işləyərkən digər vəzifəli şəxslərlə cinayət əlaqəsinə girərək qaçaqmalçılıq cinayəti törədib.
Baş prokuror yanında Korrupsiyaya qarşı Mübarizə Baş İdarəsində ibtidai istintaqı aparılan cinayət işi üzrə Ənvər Tağıyevin qaçaqmalçılıq cinayətini törətməsinə, habelə aksiz markası ilə markalanmalı olan həmin yükü markalanma olmadan satış məqsədilə saxlamasına əsaslı şübhələr müəyyən edilib.
Həmin şəxs barəsində təqsirləndirilən şəxs qismində cəlb etmə barədə müvafiq qərar qəbul edilib, istintaqdan yayınaraq gizləndiyinə görə İnterpolun Milli Mərkəzi Bürosu vasitəsilə beynəlxalq axtarış elan olunub. Keçirilmiş tədbirlər nəticəsində onun Ukrayna ərazisində yeri müəyyən edilərək saxlanılması təmin olunub.
Təqsirləndirilən şəxs Cinayət Məcəlləsinin müvafiq olaraq 206.4 (mütəşəkkil dəstə tərkibində külli miqdarda qaçaqmalçılıq), 213-1.2.1, 213-1.2.2, 213-1.2.3 (qabaqcadan əlbir olan bir qrup şəxs tərəfindən təkrarən külli miqdarda aksiz markası ilə markalanmalı olan malları belə marka olmadan satış məqsədi ilə saxlama) maddələri ilə təqsirləndirilən şəxs qismində cəlb ediliblər.
Qeyd edək ki, Bakı Ağır Cinayətlər Məhkəməsində Ənvər Tağıyevin cinayət işi üzrə məhkəmə başlayıb. Hakim Azər Tağıyevin sədrliyi ilə keçirilən prosesdə dövlət ittihamçısı ittiham aktını elan edib.
İttihama münasibət bildirən təqsirləndirilən şəxs ona elan olunmuş ittihamla özünü təqsirli bilməyib.
Növbəti proses noyabrın 12-də davam edəcək.
