Süni mayalanma etdirən qadınlara xəbərdarlıq: Xərçəng riski artır?
"Süni mayalanmanın (EKO), onkoloji xəstəliklərə, xüsusən qlioblastomaya səbəb olması ilə bağlı iddialar elmi tədqiqatlarda öz təsdiqini tapmayıb".
Median.Az xəbər verir ki, bunu Rusiya Səhiyyə Nazirliyinin baş onkoloqu Andrey Kaprin TASS-a müsahibəsində deyib.
"Elmi baxımdan EKO-nun hər hansı bir şəxsdə qlioblastomanın inkişafına təkan verdiyini iddia edə bilmərik. Bəzi araşdırmalarda köməkçi reproduktiv texnologiyalarla mərkəzi sinir sistemi şişləri arasında mümkün əlaqə öyrənilsə də, hazırda süni mayalanmanı bu cür xəstəliklərin səbəbi hesab etmək üçün heç bir tutarlı sübut yoxdur", - deyə o bildirib.
Mütəxəssis əlavə edib ki, EKO zamanı yumurtalıqlar stimullaşdırıldığı üçün hormonlardan asılı olan şişlərlə bağlı daha çox araşdırma aparılıb və bu məsələ daim ciddi narahatlıq doğurub.
Lakin yüzminlərlə qadının iştirak etdiyi tədqiqatlar da süni mayalanmadan sonra süd vəzi xərçəngi riskinin artdığını təsdiqləməyib.
Kaprin vurğulayıb ki, süni mayalanma etdirən bir milyondan çox qadını əhatə edən genişmiqyaslı araşdırmanın nəticələrində də süd vəzi xərçəngi hallarının artmasına dair heç bir fakt aşkarlanmayıb.
Qeyd edək ki, rusiyalı sənətçilər Anastasiya Zavorotnyuk və Janna Friske beynin aqressiv şişi olan qlioblastomadan vəfat ediblər. Onların hər ikisi süni mayalanma prosedurundan keçib və mətbuatda bu iki fakt arasında mümkün əlaqənin olduğu barədə məlumatlar yayılıb.
//oxu.az
Median.Az xəbər verir ki, bunu Rusiya Səhiyyə Nazirliyinin baş onkoloqu Andrey Kaprin TASS-a müsahibəsində deyib.
"Elmi baxımdan EKO-nun hər hansı bir şəxsdə qlioblastomanın inkişafına təkan verdiyini iddia edə bilmərik. Bəzi araşdırmalarda köməkçi reproduktiv texnologiyalarla mərkəzi sinir sistemi şişləri arasında mümkün əlaqə öyrənilsə də, hazırda süni mayalanmanı bu cür xəstəliklərin səbəbi hesab etmək üçün heç bir tutarlı sübut yoxdur", - deyə o bildirib.
Mütəxəssis əlavə edib ki, EKO zamanı yumurtalıqlar stimullaşdırıldığı üçün hormonlardan asılı olan şişlərlə bağlı daha çox araşdırma aparılıb və bu məsələ daim ciddi narahatlıq doğurub.
Lakin yüzminlərlə qadının iştirak etdiyi tədqiqatlar da süni mayalanmadan sonra süd vəzi xərçəngi riskinin artdığını təsdiqləməyib.
Kaprin vurğulayıb ki, süni mayalanma etdirən bir milyondan çox qadını əhatə edən genişmiqyaslı araşdırmanın nəticələrində də süd vəzi xərçəngi hallarının artmasına dair heç bir fakt aşkarlanmayıb.
Qeyd edək ki, rusiyalı sənətçilər Anastasiya Zavorotnyuk və Janna Friske beynin aqressiv şişi olan qlioblastomadan vəfat ediblər. Onların hər ikisi süni mayalanma prosedurundan keçib və mətbuatda bu iki fakt arasında mümkün əlaqənin olduğu barədə məlumatlar yayılıb.
//oxu.az
