"Çelsi" Bastoni üçün 68 milyon funt ödənməyə hazırdır

İngiltərənin "Çelsi" klubu "İnter"in mərkəz müdafiəçisi Alessandro Bastonini transfer etmək üçün böyük gedişat edir.

London təmsilçisi İtaliya millisinin üzvü üçün 68.6 milyon funt-sterlinqə qədər təklif irəli sürməyə hazırdır.

Bu barədə "El Nacional" nəşri məlumat yayıb.

İtalyan müdafiəçi ilə "Barselona" da yaxından maraqlansa da, "Çelsi"nin maliyyə üstünlüyü onları bu transfer yarışında bir addım öne çıxarır.