Hörmüzdən sonra yeni təhlükə: Daha bir keçid risk altındadır
Hörmüz boğazında yaşanan böhrandan sonra dünya ticarəti üçün mühüm əhəmiyyət daşıyan Malakka boğazı ilə bağlı narahatlıqlar artır.
Malakka boğazı Hind okeanı ilə Sakit okeanı birləşdirən əsas dəniz marşrutlarından biridir. 2025-ci ilin ilk yarısında bu boğazdan gündəlik orta hesabla 23,2 milyon barel neft daşınıb.
Bu göstərici Malakkanı neft tranzitinin həcminə görə dünyanın ən böyük strateji boğazı edir.
Hörmüz boğazında yaranan gərginliyin qlobal enerji və ticarət marşrutlarına təsir göstərməsi fonunda Malakka boğazının da diqqət mərkəzinə düşməsi mümkün yeni risk kimi qiymətləndirilir. Bu iki dəniz keçidi dünya enerji və ticarət sistemində mühüm rol oynadığından, hər hansı uzunmüddətli məhdudiyyət qlobal təchizat zəncirinə və qiymətlərə təsir göstərə bilər.
Malakka boğazından keçən neftin böyük hissəsini xam neft təşkil edir. Çin isə 2025-ci ilin ilk yarısında bu boğazdan keçən neft idxalının təxminən 48 faizini təmin edib.
Mütəxəssislərin fikrincə, Hörmüz boğazındakı böhran qlobal dəniz ticarətinin strateji keçidlərdən asılılığını bir daha ortaya qoyub. Bu baxımdan Malakka boğazında yarana biləcək hər hansı problem enerji bazarları ilə yanaşı, beynəlxalq ticarətə də ciddi təsir göstərə bilər.
//sfera.az
Malakka boğazı Hind okeanı ilə Sakit okeanı birləşdirən əsas dəniz marşrutlarından biridir. 2025-ci ilin ilk yarısında bu boğazdan gündəlik orta hesabla 23,2 milyon barel neft daşınıb.
Bu göstərici Malakkanı neft tranzitinin həcminə görə dünyanın ən böyük strateji boğazı edir.
Hörmüz boğazında yaranan gərginliyin qlobal enerji və ticarət marşrutlarına təsir göstərməsi fonunda Malakka boğazının da diqqət mərkəzinə düşməsi mümkün yeni risk kimi qiymətləndirilir. Bu iki dəniz keçidi dünya enerji və ticarət sistemində mühüm rol oynadığından, hər hansı uzunmüddətli məhdudiyyət qlobal təchizat zəncirinə və qiymətlərə təsir göstərə bilər.
Malakka boğazından keçən neftin böyük hissəsini xam neft təşkil edir. Çin isə 2025-ci ilin ilk yarısında bu boğazdan keçən neft idxalının təxminən 48 faizini təmin edib.
Mütəxəssislərin fikrincə, Hörmüz boğazındakı böhran qlobal dəniz ticarətinin strateji keçidlərdən asılılığını bir daha ortaya qoyub. Bu baxımdan Malakka boğazında yarana biləcək hər hansı problem enerji bazarları ilə yanaşı, beynəlxalq ticarətə də ciddi təsir göstərə bilər.
//sfera.az
