Piyada keçidində üstünlük kimindir? – Sürücülərə ciddi xəbərdarlıq
Piyada keçidinə yaxınlaşan sürücünün piyadaya yol verməsi qanunla müəyyən edilmiş tələb olsa da, reallıqda bu qaydaya hər zaman əməl edilmir. Xüsusilə işıqforla tənzimlənməyən piyada keçidlərində insanlar yolun kənarında uzun müddət gözləməli olur, bəzi hallarda isə avtomobillər piyadanın qarşısında sürəti azaltmadan hərəkətini davam etdirir. Bu isə həm qəza riskini artırır, həm də piyadaların təhlükəsizliyini sual altına alır. Bəs sürücülər niyə piyada keçidində yol vermək qaydasına əməl etmirlər?
Məsələ ilə bağlı nəqliyyat eksperti Eldəniz Cəfərov Median.Az-a açıqlama verib.
Ekspert deyib ki, nizamlanan, yəni işıqforla tənzimlənən piyada keçidlərində olduğu kimi, nizamlanmayan, eyni səviyyəli piyada keçidlərində də sürücülər mütləq piyadalara yol verməlidirlər:
“Piyadaya yol vermək həm sürücü mədəniyyətindən irəli gəlir, həm də “Yol hərəkəti haqqında” Qanunun tələbidir. Təəssüf ki, bu tələblərə əməl edilmədikdə ağır faciələrlə üzləşirik. Avtomobilin piyada ilə toqquşması nəticəsində piyada ağır xəsarət ala bilər. Ona görə də sürücülər bu məsələyə daha diqqətlə yanaşmalıdırlar. Bilməlidirlər ki, nizamlanmayan piyada keçidində də üstünlük piyadaya məxsusdur. Piyada artıq keçidə ayağını qoyubsa və yola enibsə, sürücü avtomobili mütləq saxlamalı və ona yol verməlidir. Avtomobil elə hərəkət etməlidir ki, piyadanın hərəkət trayektoriyasına mane olmasın. Yəni piyada avtomobilə görə istiqamətini dəyişməməli və onun üçün təhlükə yaranmamalıdır”.
O bildirib ki, şəhərdəki piyada keçidlərinin təşkilinə də bir daha nəzər yetirmək lazımdır:
“Piyada keçidlərinə 100-150 metr qalmış əlavə xəbərdaredici nişanların quraşdırılması məqsədəuyğun olardı. Həmçinin piyada keçidinə yaxın ərazilərdə maksimal sürət həddini göstərən nişanların yerləşdirilməsi də faydalı ola bilər. Çünki saatda 60 kilometr sürətlə hərəkət edən avtomobilin qarşısına qəfil piyada çıxarsa, onu dərhal saxlamaq kifayət qədər çətin olur. Mövcud cərimə mexanizminin tənbeh tədbiri kimi kifayət etdiyini düşünürəm. Bu səbəbdən piyada keçidlərində piyadaya yol verməmə ilə bağlı cərimələrin xüsusi olaraq artırılmasına ehtiyac görmürəm. Bu məsələ, ilk növbədə, hər bir sürücünün mədəniyyətindən və sürücülük bacarığından irəli gəlir. Təəssüf ki, sürücülərin bir qismi yol hərəkəti qaydalarını kifayət qədər yaxşı bilmir. Bu da nəticədə təhlükəli vəziyyətlərin və yol-nəqliyyat hadisələrinin baş verməsinə səbəb olur”.
Aysel
Məsələ ilə bağlı nəqliyyat eksperti Eldəniz Cəfərov Median.Az-a açıqlama verib.
Ekspert deyib ki, nizamlanan, yəni işıqforla tənzimlənən piyada keçidlərində olduğu kimi, nizamlanmayan, eyni səviyyəli piyada keçidlərində də sürücülər mütləq piyadalara yol verməlidirlər:
“Piyadaya yol vermək həm sürücü mədəniyyətindən irəli gəlir, həm də “Yol hərəkəti haqqında” Qanunun tələbidir. Təəssüf ki, bu tələblərə əməl edilmədikdə ağır faciələrlə üzləşirik. Avtomobilin piyada ilə toqquşması nəticəsində piyada ağır xəsarət ala bilər. Ona görə də sürücülər bu məsələyə daha diqqətlə yanaşmalıdırlar. Bilməlidirlər ki, nizamlanmayan piyada keçidində də üstünlük piyadaya məxsusdur. Piyada artıq keçidə ayağını qoyubsa və yola enibsə, sürücü avtomobili mütləq saxlamalı və ona yol verməlidir. Avtomobil elə hərəkət etməlidir ki, piyadanın hərəkət trayektoriyasına mane olmasın. Yəni piyada avtomobilə görə istiqamətini dəyişməməli və onun üçün təhlükə yaranmamalıdır”.
O bildirib ki, şəhərdəki piyada keçidlərinin təşkilinə də bir daha nəzər yetirmək lazımdır:
“Piyada keçidlərinə 100-150 metr qalmış əlavə xəbərdaredici nişanların quraşdırılması məqsədəuyğun olardı. Həmçinin piyada keçidinə yaxın ərazilərdə maksimal sürət həddini göstərən nişanların yerləşdirilməsi də faydalı ola bilər. Çünki saatda 60 kilometr sürətlə hərəkət edən avtomobilin qarşısına qəfil piyada çıxarsa, onu dərhal saxlamaq kifayət qədər çətin olur. Mövcud cərimə mexanizminin tənbeh tədbiri kimi kifayət etdiyini düşünürəm. Bu səbəbdən piyada keçidlərində piyadaya yol verməmə ilə bağlı cərimələrin xüsusi olaraq artırılmasına ehtiyac görmürəm. Bu məsələ, ilk növbədə, hər bir sürücünün mədəniyyətindən və sürücülük bacarığından irəli gəlir. Təəssüf ki, sürücülərin bir qismi yol hərəkəti qaydalarını kifayət qədər yaxşı bilmir. Bu da nəticədə təhlükəli vəziyyətlərin və yol-nəqliyyat hadisələrinin baş verməsinə səbəb olur”.
Aysel
