Sabah ölkənin dörd rayonunun bəzi ərazilərində qaz olmayacaq

Sabah Biləsuvar rayonunun bəzi ərazilərində qazın verilişində fasilə yaranacaq.

Bu barədə Lənkəran Regional Qaz İstismarı İdarəsi məlumat yayıb.

Qeyd olunub ki, payız-qış mövsümünə hazırlıq işləri ilə əlaqədar avqustun 14-də saat 10:00-dan etibarən rayonun Xırmandalı, Bəydili, Muğan, Yuxarı Ağalı kəndlərinin, Biləsuvar şəhərinin "Təyyarə Meydanı" yaşayış massivinin və H.Əliyev prospektinin bir hissəsinin qaz təchizatı müvəqqəti dayandırılacaq. Qazın verilişi işlər yekunlaşdıqdan sonra bərpa ediləcək.

Sabirabad, Salyan və Saatlıda da qaz təchizatında fasilə yaranacaq.

Salyan Regional Qaz İstismarı İdarəsinin məlumatında bildirilib ki, payız-qış mövsümünə hazırlıq işləri ilə əlaqədar avqustun 14-də saat 10:00-dan işlər yekunlaşanadək Sabirabad şəhərinin bəzi küçələrinin, Salyan rayonunun Kürsəngi, Yenikənd, Şəkərli, Həsənli və Qardilli kəndlərinin qaz təchizatında müvəqqəti fasilə yaranacaq.

Həmçinin Saatlı rayonunun Günəşli, Qarayevkənd, Fətəlikənd, Xanlarkənd, Çolpu və Azadkənd kəndlərinin qaz təchizatı da müvəqqəti dayandırılacaq.