Qadından pul aldı, əl-qolunu bağlayaraq "Prius"un baqajında Bakıya gətirdilər
Adam oğurluğunda ittiham edilən şəxslərə hökm oxunub.
Median.Az "Qafqazinfo"ya istinadən xəbər verir ki, Bakı Ağır Cinayətlər Məhkəməsində baş tutan prosesin sonunda elan edilən hökmlə paytaxt sakini - 1987-ci il təvəllüdlü Rəşad Knyazov 9, onun qardaşı - 1990-cı il təvəllüdlü Urfan isə 8 il 6 ay müddətinə həbsə məhkum ediliblər.
Araşdırmalarla müəyyən edilib ki, onlar əmisi oğlanları Ayxan Knyazovla birgə Elşad Bəyov adlı şəxsi oğurlayaraq Xaçmazın Ukuroba kəndindən Bakıya gətiriblər.
Belə ki, Elşad Ayxanın tanışı olan qadınla münasibətdə olub və ondan hədə-qorxu yolu ilə pul alıb. Bundan sonra Ayxanın istəyi ilə əmisi oğlanları Rəşad və Urfan avtomobillə Bakıdan Xaçmaza gediblər. Onlar sözügedən qadının anasının evinə daxil olduqda artıq Elşadın orada döyüldüyünü görüblər. Onu əl-ayağını bağlayıb, ağzına əski parçası tıxayaraq "Toyota Prius" markalı avtomobilin yük yerinə yerləşdiriblər. Daha sonra Elşadı Hövsan qəsəbəsinə gətirərək bir gün orada girov saxlayıblar. Növbəti gün o, həmin evdən qaçaraq xilas olmağı bacarıb.
Qeyd edək ki, cinayətdə iştirak edən şəxslər, eləcə də E.Bəyov dini qruplaşma üzvü olublar.
Cinayətdə iştirak etməkdə şübhəli bilinən A.Knyazov isə axtarışa verilib.
Bundan başqa, zərərçəkmiş şəxs olan Elşad Bəyov barəsində ayrıca cinayət işi də açılıb.
Median.Az "Qafqazinfo"ya istinadən xəbər verir ki, Bakı Ağır Cinayətlər Məhkəməsində baş tutan prosesin sonunda elan edilən hökmlə paytaxt sakini - 1987-ci il təvəllüdlü Rəşad Knyazov 9, onun qardaşı - 1990-cı il təvəllüdlü Urfan isə 8 il 6 ay müddətinə həbsə məhkum ediliblər.
Araşdırmalarla müəyyən edilib ki, onlar əmisi oğlanları Ayxan Knyazovla birgə Elşad Bəyov adlı şəxsi oğurlayaraq Xaçmazın Ukuroba kəndindən Bakıya gətiriblər.
Belə ki, Elşad Ayxanın tanışı olan qadınla münasibətdə olub və ondan hədə-qorxu yolu ilə pul alıb. Bundan sonra Ayxanın istəyi ilə əmisi oğlanları Rəşad və Urfan avtomobillə Bakıdan Xaçmaza gediblər. Onlar sözügedən qadının anasının evinə daxil olduqda artıq Elşadın orada döyüldüyünü görüblər. Onu əl-ayağını bağlayıb, ağzına əski parçası tıxayaraq "Toyota Prius" markalı avtomobilin yük yerinə yerləşdiriblər. Daha sonra Elşadı Hövsan qəsəbəsinə gətirərək bir gün orada girov saxlayıblar. Növbəti gün o, həmin evdən qaçaraq xilas olmağı bacarıb.
Qeyd edək ki, cinayətdə iştirak edən şəxslər, eləcə də E.Bəyov dini qruplaşma üzvü olublar.
Cinayətdə iştirak etməkdə şübhəli bilinən A.Knyazov isə axtarışa verilib.
Bundan başqa, zərərçəkmiş şəxs olan Elşad Bəyov barəsində ayrıca cinayət işi də açılıb.
