Ağdamdakı məşhur "Çay evi" yenidən inşa olunur
Ağdamın simvollarından biri olan Quzanlı qəsəbəsindəki "Çay evi" yenidən inşa olunur.
"Unikal"ın məlumatına görə, məşhur tikili Ağdam şəhər mərkəzi parkının ərazisində, əvvəlki yerində və üslubunda qurulur.
Qeyd edək ki, 1986-cı il iyulun 26-da açılışı olan bu unikal məkan, şəhər sakinlərinin və qonaqların rahat bir şəraitdə toplanıb çay içməsi və söhbət etməsi üçün yaradılmışdı. "Çay evi" həmçinin sosial və mədəni görüşlərin təşkil edildiyi mərkəzlərdən biri idi. Layihənin müəllifi 1984-1988-ci illərdə Ağdamda baş memar kimi fəaliyyət göstərən Naiq Səmədov olub.
Ağdam şəhərinin işğalı nəticəsində şəhərdəki bir çox tarixi və mədəni abidə kimi, "Çay evi" də tamamilə dağıdılmışdı. Lakin o, yenidən inşa olunaraq Ağdama qaytarılır.
"Unikal"ın məlumatına görə, məşhur tikili Ağdam şəhər mərkəzi parkının ərazisində, əvvəlki yerində və üslubunda qurulur.
Qeyd edək ki, 1986-cı il iyulun 26-da açılışı olan bu unikal məkan, şəhər sakinlərinin və qonaqların rahat bir şəraitdə toplanıb çay içməsi və söhbət etməsi üçün yaradılmışdı. "Çay evi" həmçinin sosial və mədəni görüşlərin təşkil edildiyi mərkəzlərdən biri idi. Layihənin müəllifi 1984-1988-ci illərdə Ağdamda baş memar kimi fəaliyyət göstərən Naiq Səmədov olub.
Ağdam şəhərinin işğalı nəticəsində şəhərdəki bir çox tarixi və mədəni abidə kimi, "Çay evi" də tamamilə dağıdılmışdı. Lakin o, yenidən inşa olunaraq Ağdama qaytarılır.
