Xankəndi şəhərində evlərin birindən gitara oğurlayan şəxslər cəzalandırılıb.
Qaynarinfo-nun məlumatına görə, 1991-ci il təvəllüdlü Gəncə şəhər sakini C.V. və 1988-ci ildə Yevlax rayonu Quşçu kəndində doğulmuş S.R. işləmək üçün Xankəndi şəhərinə gediblər. Onlar MMC-lərin birində fəhlə kimi fəaliyyət göstəriblər.
Həmin şəxslər Xankəndidə yerləşən 4 mərtəbəli binanın birinci mərtəbəsindəki mənzilə pəncərədən daxil olaraq, bir cüt ümumi dəyəri 625 manat olan 585 əyyarlı və 5 qram çəkili qızıl köynək sancağını, iki ədəd ümumi dəyəri 270 manat olan gitaranı və bir ədəd dəyəri 50 manat olan hava fenini oğurlayıblar.
Saxlanıldıqdan sonra barələrində Cinayət Məcəlləsinin 177.2.1 və 177.2.3-cü maddələri ilə iş açılıb və məhkəmədə baxılıb. Məhkəmənin qərarı ilə C.V. və S.R. həbsdə olduqları 2 gün müddət çıxılmaqla 11 ay 26 gün müddətinə azadlığın məhdudlaşdırılması cəzasına məhkum edilib. Onlar cəza çəkdikləri müddətdə elektron qolbaqda gəzəcəklər.
Şahidi olduğunuz hadisələri çəkib bizə göndərin!
Son Əlavə