Azərbaycanda yerli turistlər ən çox nələrə pul xərcləyir? (SİYAHI)

Bu ilin ilk yarısında 2 milyon 590,7 min nəfər Azərbaycan vətəndaşı turizm məqəsdi ilə ölkədaxili səfər edib.

Yeniavaz.com açıqlanan rəsmi məlumatlara istinadən xəbər verir ki, turizm məqəsdi ilə ölkə daxili səfər edən vətəndaşlar ümumilikdə 2 milyard 526,8 milyon manat pul xərcləyiblər.

Hər bir vətəndaş orta hesabla 975 manat pul xərcləyib.

Turizm məqəsdi ilə xərclənən pulların 647,2 milyon manatı və ya 25,6%-i malların və hədiyyələrin alınmasına sərf olunub. Bundan başqa, 616,6 milyon manat və ya ümumi xərclərin 24,4%-i qidalanmaya yönəldilib. Xərclərin 18,5%-i (468 milyon manat) yerləşməyə, 14,7%-i (373,2 milyon manat) nəqliyyat, 4,1%-i isə (104,3 milyon manat) idman və əyləncə xidmətlərinə sərf olunub.

Yerli turistlərin ən az vəsait xərclədiyi istiqamət isə mədəniyyətlə bağlı olub. Turizm məqəsdi ilə xərclənən pulların cəmi 1,4%-ni (35,4 milyon manat) mədəniyyətlə bağlı xərclər təşkil edib.скачать dle 11.3

Şahidi olduğunuz hadisələri çəkib bizə göndərin!