"2025-ci ilin avqust-sentyabr ayları ərzində Bakı şəhərində daşıyıcı şirkətlər tərəfindən 200 yeni və ekoloji təmiz avtobus sərnişinlərin istifadəsinə veriləcək".

Bu barədə Azərbaycan Yerüstü Nəqliyyat Agentliyi (AYNA) tərəfindən məlumat verilib.

Qeyd olunub ki, AYNA tərəfindən sərnişindaşıma xidmətinin keyfiyyətinin artırılması istiqamətində işlər davam etdirilir.

"Hazırda paytaxtda müntəzəm marşrut xətlərində 2 200-dən çox avtobus istifadə olunur. Yeni avtobusların gətirilməsi, ümumilikdə ictimai nəqliyyatda əlçatanlığın və xidmət keyfiyyətinin daha da artmasını təmin edəcək", - deyə AYNA-nın məlumatında bildirilir.скачать dle 11.3