Arktika əriyir: Buzlaqların sahəsi tarixi minimuma çatdı
Yaponiya Aerokosmik Tədqiqatlar Agentliyinin (JAXA) alimləri həyəcan təbili çalırlar.
Şimal Buzlu Okeanda Arktika buzlaqlarının sahəsi bütün müşahidə tarixi ərzində rekord səviyyəyə enib.
Oxu.Az-ın xəbərinə görə, bu sarsıdıcı məlumatlar Arktikada buz örtüyünün monitorinqini aparan Yaponiyanın "Sidzuku" peyki sayəsində əldə edilib.
JAXA-nın məlumatına görə, adətən qışda artan və martda pik həddinə çatan buzlaqların sahəsinin maksimal həddi bu il martın 20-nə cəmi 13.79 milyon kvadrat kilometr təşkil edib. Bu, 1979-cu ildən başlayaraq bütün 46 illik tədqiqat dövrü üçün mütləq minimumdur.
Alimlər Arktikanın buz örtüyünün sürətlə azalmasını insan fəaliyyətinin əmələ gətirdiyi qlobal iqlim dəyişikliyi ilə əlaqələndirirlər. Arktikada buzlaqların əriməsi hava şəraitinin dəyişməsi, dəniz ekosistemlərinin pozulması və Dünya okeanının səviyyəsinin yüksəldilməsi də daxil olmaqla, ciddi nəticələrə səbəb ola bilər.
Şimal Buzlu Okeanda Arktika buzlaqlarının sahəsi bütün müşahidə tarixi ərzində rekord səviyyəyə enib.
Oxu.Az-ın xəbərinə görə, bu sarsıdıcı məlumatlar Arktikada buz örtüyünün monitorinqini aparan Yaponiyanın "Sidzuku" peyki sayəsində əldə edilib.
JAXA-nın məlumatına görə, adətən qışda artan və martda pik həddinə çatan buzlaqların sahəsinin maksimal həddi bu il martın 20-nə cəmi 13.79 milyon kvadrat kilometr təşkil edib. Bu, 1979-cu ildən başlayaraq bütün 46 illik tədqiqat dövrü üçün mütləq minimumdur.
Alimlər Arktikanın buz örtüyünün sürətlə azalmasını insan fəaliyyətinin əmələ gətirdiyi qlobal iqlim dəyişikliyi ilə əlaqələndirirlər. Arktikada buzlaqların əriməsi hava şəraitinin dəyişməsi, dəniz ekosistemlərinin pozulması və Dünya okeanının səviyyəsinin yüksəldilməsi də daxil olmaqla, ciddi nəticələrə səbəb ola bilər.
