Nazirlər Kabineti "Aviasiya personalına şəhadətnamələrin, vəsiqələrin və ya sertifikatların verilməsi və digər dövlətdə verilmiş analoji sənədlərin tanınması Qaydaları"nı təsdiq edib.
Bununla bağlı Baş nazir Əli Əsədov yeni qərar imzalayıb.
Qərara əsasən, Qaydalar "Aviasiya haqqında" qanuna uyğun hazırlanıb. Onlarla tənzimlənməyən məsələlər qanuna, "Beynəlxalq Mülki Aviasiya haqqında" 7 dekabr 1944-cü il tarixli Konvensiyaya, habelə Konvensiyaya 1 nömrəli Əlavə - "Aviasiya personalının sertifikatlaşdırılması" ilə müəyyən edilmiş Beynəlxalq Mülki Aviasiya Təşkilatının beynəlxalq standartlarına və tövsiyə olunan təcrübəsinə uyğun həyata keçirilir.
Qaydaların müddəaları aşağıdakı şəxslərə şamil edilir:
- həvəskar pilot;
- kommersiya pilotu;
- nəqliyyat pilotu;
- çoxheyətli pilot;
- hava şarı pilotu;
- naviqator;
- bort mühəndisi;
- bort radiooperatoru (bort radist);
- havada hərəkəti idarəetmə dispetçeri;
- hava gəmisi texnikləri.
Şahidi olduğunuz hadisələri çəkib bizə göndərin!
Son Əlavə