Azərbaycan və Belçika arasında siyasi məsləhətləşmələrin növbəti iclası keçirilib » Median.Az - Bütün xəbərlər bir ünvanda
23:03 Böyük gəmilər sunami xəbərdarlığından sonra niyə limanları tərk edir?  |     22:56 “SpaceX” “Crew-11” missiyası çərçivəsində beynəlxalq astronavtları BKS-yə göndərib  |     22:50 Lavrov: ABŞ Ukraynanın Rusiya ilə danışıqlara razılaşmasına töhfə verib  |     22:44 Baş Şirvan kollektorunda iki nəfər boğulub  |     22:38 Laçında 1,4 milyonluq söküntü  |     22:33 "Google" ChatGPT dialoqlarınızı axtarış nəticələrinə çıxarır - Nələri bilməlisiniz?  |     22:26 Robot tarixdə ilk dəfə universitetə qəbul olundu  |     22:19 1724-cü ildə yerə düşən meteoritdə unikal xüsusiyyətlərə malik material tapıldı  |     22:13 Alimlər kartofun əcdadını tapdı - Gözlənilməz kəşf  |     22:08 Gecə baş verən təbii fəlakətlər niyə daha ölümcül olur?  |     21:59 "MoreCup"da 143 manatlıq oğurluğa görə 2,6 il həbs  |     21:54 Alman avtomobil sənayesi çöküş astanasında: Əfsanəvi brendlər niyə mövqelərini itirir?  |     21:48 Ev kirayəsi ilə bağlı dələduzluq halları artır: Nə etmək lazımdır? - Video  |     21:44 Azərbaycan güləşçisi dünya çempionatında finala yüksəlib  |     21:37 Paytaxtda təmir sexində güclü YANĞIN: Lüks avtomobil KÜLƏ DÖNDÜ - Video  |     21:30 BQXK-nın Azərbaycan Nümayəndəliyi fəaliyyətini sentyabrın əvvəlində dayandıracaq  |     21:24 AQTA bir sıra ölkələrin qida təhlükəsizliyinə nəzarət sisteminin ekvivalentliyini tanıyıb  |     21:18 Azərbaycan Qış İdman Növləri Federasiyası rusiyalı idmançının milliyə buraxılmamasına münasibət bildirib  |     21:11 AQTA qarpız və yemiş məhsullarını monitorinq edib  |     21:04 DİN: Qarabağa səfər edənlər "E-Polis"dən icazə ala bilərlər  |    

Azərbaycan və Belçika arasında siyasi məsləhətləşmələrin növbəti iclası keçirilib

Bakı şəhərində Azərbaycan Respublikası və Belçika Krallığının xarici işlər nazirlikləri arasında siyasi məsləhətləşmələrin növbəti iclası keçirilib.

Bu barədə Xarici İşlər Nazirliyindən (XİN) məlumat verilib.

Bildirilib ki, Azərbaycan nümayəndə heyətinə xarici işlər nazirinin müavini Fariz Rzayev, Belçika Krallığının nümayəndə heyətinə isə Xarici İşlər Nazirliyinin ikitirəli məsələlər üzrə baş direktoru Jeroen Kooreman rəhbərlik edib.

Məsləhətləşmələr zamanı Azərbaycan və Belçika arasında siyasi sahədə əlaqələr müzakirə olunub, davamlı siyasi dialoqun saxlanılması üçün qarşılıqlı səfərlərin və beynəlxalq tədbirlər çərçivəsində görüşlərin əhəmiyyəti qeyd olunub.

İqtisadi sahədə əlaqələrin inkişafı üçün ticarət döviriyyəsinin artırılması, enerji, nəqliyyat, yüksək texnologiyalar sahələrində əməkdaşlıq imkanlarından faydalanmağın əhəmiyyəti vurğulanıb, habelə ölkəmizin təşəbbüsü və iştirakı ilə həyata keçirilən strateji enerji və nəqliyyat layihələri ilə bağlı müzakirələr aparılıb.

Xalqlararası təmasların inkişafında mədəniyyət və təhsil kimi sahələrdə mübadilələrin artırılmasının səmərəli olacağı bildirilib.

Görüşdə beynəlxalq təşkilatlar çərçivəsində əməkdaşlıq, cari ilin noyabr ayında Azərbaycanın ev sahibliyi edəcəyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq və görülmüş işlərlə bağlı fikir mübadiləsi aparılıb.

Məsləhətləşmələrdə regional məsələlər də diqqət mərkəzində olub. Qarşı tərəfə post-münaqişə dövründə bölgədəki vəziyyət, Azərbaycan-Ermənistan münasibətlərinin normallaşdırılması, Azərbaycan tərəfindən bölgədə davamlı sülhün bərqərar olunması istiqamətində atılan addımlar, işğaldan azad edilmiş ərazilərimizdə mina problemi, orada həyata keçirilən genişmiqyaslı bərpa-quruculuq işləri barədə məlumat verilib.

Tərəflər beynəlxalq gündəlikdə dayanan məsələlər, eləcə də birgə maraq kəsb edən digər mövzular ətrafında fikir mübadiləsi aparıb.скачать dle 11.3




Şahidi olduğunuz hadisələri çəkib bizə göndərin!




            465 21.10.24 19:33