Bakının Nərimanov rayonunda güclü külək zamanı ağacın budağı qırılaraq 31 yaşlı kişinin üzərinə düşüb.
APA xəbər verir ki, hadisə Təbriz küçəsi 94 ünvanında qeydə alınıb.
1992-ci il təvəllüdlü Araz Teyfuq oğlu Şüyüflü səkidə hərəkət edərkən güclü külək ağacın iri budağını qoparıb. Budaq T.Şüyüflünün üzərinə düşüb. O, ağır bədən xəsarətləri alaraq xəstəxanaya çatdırılıb.
Həkimlərin verdiyi məlumata görə, T.Şüyüflü almacıq və topuq sümüyünün sınığı, o cümlədən qapalı kəllə-beyin travması ilə reanimasiya şöbəsinə yerləşdirilib. O, komatoz vəziyyətindədir.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə