Dəmiryolçular parkı bərbad vəziyyətdədir - VİDEO

Gəncədə yerləşən, bir vaxtlar insanların istirahət məkanı olan Dəmiryolçular parkı, bu gün sanki məişət tullantılarının yığıldığı məkanı xatırladır.

Baku.Tv xəbər verir ki, bir vaxtlar dəmiryolçular və onların ailələri üçün salınan bu parkda artıq nə dəmiryolçular istirahət edə bilir, nə də digər şəhər sakinləri. Park baxımsızlıqdan yararsız vəziyyətə düşüb. Bu gün ərazi sanki məişət tullantılarının yığıldığı, üfunət iyi verən məkana çevrilib.

Sakinlərin sözlərinə görə, bu cür mənzərə təxminən, 10 ildən çoxdur ki, davam edir.

Park Azərbaycan Dəmiryolları QSC balansındadır. Lakin aidiyyəti qurumu parkın vəziyyəti maraqlandırmır. Üstəlik, vaxtı ilə parkda çalışan işçilər də ixtisara salınıb.

Çəkiliş apardığımız zaman Ekologiya və Təbii Sərvətlər Nazirliyinin 10 saylı Regional İdarəsinin rəsmiləri qurumuş ağacların ərazidən götürülməsi ilə məşğul idi. Mütəxəsisslər deyir ki, burada quruyan ağaclar insanlar üçün təhlükəli vəziyyətə çatıb. Parka nəzarət edəcək şəxslərə ərazidən qurumuş ağacların götürülməsi ilə bağlı rəsmi rəy hələ 2016-cı ildə verilib. Lakin verilən rəy yerinə yetirilməyib.

Məsələ ilə bağlı Azərbaycan Dəmir Yolları Qapalı Səhmdar Cəmiyyətinin mətbuat xidmətindən bildirildi ki, parkın bərpası istiqamətində işlərə baxıla bilər. Amma nə zaman baxılacaq, bu sual açıq olaraq qalır.скачать dle 11.3

Şahidi olduğunuz hadisələri çəkib bizə göndərin!