Kolumbiyada qızıl mədəni çökdü, 14 nəfər öldü

Kolumbiyanın cənub-qərb bölgəsində qanunsuz fəaliyyət göstərən qızıl mədəninin çökməsi nəticəsində azı 14 nəfər həyatını itirib, daha 7 nəfər isə müxtəlif dərəcəli bədən xəsarətləri alıb.

Bu barədə yerli rəsmilərə istinadən "Reuters" agentliyi xəbər yayıb.

Hadisə Nariqno departamentində qeydə alınıb. Bölgənin qubernatoru Luis Alfonso Eskobarın sözlərinə görə, ərazidə həyata keçirilən axtarış-xilasetmə əməliyyatları artıq yekunlaşıb.

Qeyd edək ki, avqust ayında həmin departamentdə analoji hadisə baş vermiş və 13 nəfər ölmüşdü. Kolumbiyanın kənd yerlərində qeyri-qanuni faydalı qazıntıların çıxarılması geniş yayılıb və zəruri infrastrukturun olmaması tez-tez bədbəxt hadisələrə zəmin yaradır.