Kolumbiyada yol qəzası: Çox sayda əsgər ölüb, yaralananlar var

Kolumbiyanın cənub-qərbində yük maşını 100 metr hündürlükdən dərəyə düşüb.

Bu barədə "El Universo" qəzeti yerli hakimiyyət orqanlarına istinadən məlumat verib.

Məlumata görə, hadisə nəticəsində 9 nəfər ölüb, 20 nəfər yaralanıb.

"Kolumbiyanın cənub-qərbində içində olduqları avtomobilin yolda uçurumdan aşması nəticəsində 9 əsgər həlak olub, 20-si yaralanıb", - deyə nəşr yazıb.

Narinyo departamentinin qubernatoru Luis Alfonso Eskobarın sözlərinə görə, yük maşınının əyləcləri sıradan çıxıb və nəticədə dərəyə uçub. Maşında ümumilikdə 36 əsgər olub.

Prezident Qustavo Petro "X" hesabında etdiyi paylaşımda qəzada həlak olanların yaxınlarına başsağlığı verib.

Hadisənin səbəbləri araşdırılır.скачать dle 11.3

Şahidi olduğunuz hadisələri çəkib bizə göndərin!