Yasamal və Suraxanıda evlərdən oğurluq edən 2 kişi vı 1 qadın tutulub

Median.Az xəbər verir ki, Yasamal RPİ 29-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində oktyabrın 30-da rayon ərazisindəki evdən, içərisində 10.000 manat olan seyfi oğurlayan Bərdə rayon sakini, əvvəllər məhkum olunmuş O.Orucov və Abşeron rayon sakini X.Rəsulov saxlanılıblar.

Bundan başqa, Suraxanı RPİ 30-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində sentyabrın 16-da rayon ərazisindəki evldən 500 manat və 2 ədəd qızıl üzük oğurlayan Bakı şəhər sakini, əvvəllər məhkum olunmuş Y.Bünyatova saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.