Median.Az xəbər verir ki, Xəzər RPİ 1-ci polis şöbəsinin əməkdaşları tərəfindən martın 5-də rayon ərazisindəki mağazadan 400 manat oğurlayan Zirə qəsəbə sakini, əvvəllər məhkum olunmuş T.Əliyev saxlanılıb. Araşdırma zamanı onun, martın 17-də daha 2 marketdən oğurluğa cəhd göstərməsi məlum olub.

Bundan başqa, 1-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində martın 12-də və 15-də rayon ərazisindəki 2 həyətyanı sahədən 5 baş qoyun oğurlayan Bakı şəhər sakini, əvvəllər məhkum olunmuş A.Həsənov saxlanılıb.

1-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki 2 həyətyanı sahədən 1 baş inək və 2 baş qoyun oğurlayan Bakı şəhər sakinləri, əvvəllər məhkum olunmuşlar C.Əliyev və qardaşı Kamal, Daşkəsən rayon sakini olan bir yeniyetmə saxlanılıblar.

1-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evdən 146 manat və televizor oğurlayan Binə qəsəbə sakinləri F.Rzayev və V.Seyfullazadə saxlanılıblar. Araşdırma zamanı V.Seyfullazadənin, daha bir evdən 410 dollar və qızıl-zinət əşyaları oğurlaması məlum olub.

2-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində evdən 1000 manat və qızıl-zinət əşyaları oğurlayan paytaxt sakini N.Ələkbər qızı saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3