Median.Az xəbər verir ki, Binəqədi RPİ 7-ci polis bölməsi əməkdaşlarının keçirdikləri əməliyyat-axtarış tədbirləri nəticəsində martın 11-də paytaxt sakini R.Baxşəliyevin mobil telefonunu oğurlayan Bakı şəhər sakini, əvvəllər məhkum olunmuş N.Nağıyev saxlanılıb.

Bundan başqa, Binəqədi RPİ 6-cı polis bölməsinin əməkdaşları tərəfindən fevralın 1-də rayon ərazisində “BMW” markalı avtomobildən oğurluğa cəhd göstərən Abşeron rayon sakini, əvvəllər məhkum olunmuş Q.Əliyev saxlanılıb. Araşdırma zamanı onun, fevralın 7-də “Nissan” markalı avtomobildən 300 manat oğurlaması məlum olub.

Sabunçu RPİ 15-ci polis bölməsinin əməkdaşları tərəfindən martın 11-də rayon ərazisində bir avtomobildən akkumulyator oğurlayan Bakı şəhər sakini Ə.Həsənov saxlanılıb. Şəxsi axtarış zamanı ondan heroin götürülüb.

Sabunçu RPİ 14-cü polis bölməsinin əməkdaşları tərəfindən martın 11-nə keçən gecə Maştağa qəsəbəsi ərazisindəki mağazadan 3000 manat dəyərində ərzaq məhsulları və tütün məmulatı oğurlayan Lənkəran şəhər sakini, əvvəllər məhkum olunmuş R.Ağacanov saxlanılıb.

Xətai RPİ 34-cü polis şöbəsinin əməkdaşları tərəfindən fevralın 12-də rayon ərazisindəki evdən 165 manat, mobil telefon və geyim əşyası oğurlayan Bakı şəhər sakini olan yeniyetmə saxlanılıb.

Xəzər RPİ 2-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində martın 13-nə keçən gecə Albalılıq qəsəbəsindəki evin qarşısından 10 ədəd avtomobil diskini oğurlayan paytaxt sakinləri olan 2 yeniyetmə saxlanılıb.

Faktlarla bağlı CM-nin 177-ci (oğurluq) maddəsi ilə istintaq aparılır.скачать dle 11.3