Median.Az xəbər verir ki, Nəsimi RPİ 19-cu polis bölməsinin əməkdaşları keçirdikləri əməliyyat-axtarış tədbirləri nəticəsində, 54 saylı tam orta məktədən 2800 manat dəyərində 4 ədəd proyektoru oğurlayan Lənkəran şəhər sakinləri, əvvəllər məhkum olunmuşlar Ruslan Əliyev, Elnur Zeynalov və Anar Sadıqov saxlanılıblar.
Araşdırma zamanı, R.Əliyevin və E. Zeynalovun bu il fevralın 25-də bir qadının mobil telefonunu və noyabrın 6-da Xətai rayonu ərazisindəki tam orta məktəblərdən birinin inzibati binasından 9 ədəd noutbuk oğurlamaları müəyyən edilib.
Bundan başqa, Sabunçu RPİ 14-cü polis bölməsinin əməkdaşları keçirdikləri əməliyyat-axtarış tədbirləri nəticəsində, noyabrın 22-nə keçən rayon ərazisindəki evdən 4000 dollar və 1300 türk lirəsi oğurlayan Cəlilabad rayon sakini Əfsanə Məmmədova saxlanılıb.
Sabunçu RPİ 13-cü polis bölməsinin nin əməkdaşları tərəfindən noyabrın 20-də “Skyline” markalı motosikleti oğurlayan Bakı şəhər sakini Famil Ordıyev saxlanılıb.
Nəsimi RPİ 21-ci polis bölməsinin əməkdaşları tərəfindən avqustun 4-də avtomobildən 50 manat pul və akkumulyator oğurlayan Bakı şəhər sakini Emil Şirinov saxlanılıb.
Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində, noyabrın 21-də mağazadan 3000 manat dəyərində 40 ədəd mobil telefon oğurlayan Sumqayıt və Gəncə şəhər sakinləri olan iki yeniyetmə saxlanılıb.
Yasamal RPİ 27-ci polis bölməsinin əməkdaşları tərəfindən noyabrın 21-də evlərin birinin qarşısından velosiped oğurlayan Şamaxı rayon sakini olan bir yeniyetmə saxlanılıb. Araşdırma zamanı, onun sentyabrın 13-də “Volkswagen” markalı avtomobildən mobil telefon oğurlaması məlum olub.
Faktlarka bağlı CM-nin 177-ci (oğurluq) maddəsi ilə istintaq aparılır.
Şahidi olduğunuz hadisələri çəkib bizə göndərin!
Son Əlavə