Bakı Ağır Cinayətlər Məhkəməsində Bakı şəhər sakini Şaiq Mikayılovun CM-nin 263.2-ci (yol hərəkəti və nəqliyyat vasitələrinin istismarı qaydalarını pozma; zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə təqsirləndirilməsinə dair cinayət işi üzrə məhkəmə prosesi başa çatıb.

Median.Az xəbər verir ki, Şaiq Mikayılov sərxoş vəziyyətdə idarə etdiyi "Mercedes" markalı avtomaşınla paytaxt sakini Səkinə Ramazanovanı vurub və sonra idarəetməni itirərək, iki avtomobilə çırpılıb. Nəticədə piyada hadisə yerində ölüb, sürücü isə hadisə yerindən qaçıb.

Məhkəmənin hökmü ilə təqsirləndirilən şəxs 6 il 6 ay müddətinə azadlıqdan məhrumetmə cəzasına məhkum olunub.скачать dle 11.3