"ASAN Ximdət" və MİDA-nın kompüter sisteminə müdaxilə edən İvan Kravçukun məhkəməsi başlayır
"ASAN Ximdət" və Mənzil İnşaatı Dövlət Agentliyinin (MİDA) kompüter sisteminə müdaxilə etməkdə ittiham olunan Kravçuk İvan Andreyeviçin cinayət işi üzrə ibtidai istintaq başa çatıb.
Qaynarinfo-nun məlumatına görə, iş baxılması üçün Səbail Rayon Məhkəməsinə göndərilib. Fevralın 5-nə iç üzrə məhkəmə hazırlıq iclası təyin edilib. İclas hakim Günel Səmədovanın sədrliyi ilə keçiriləcək.
İvan Kravçuk Cinayət Məcəlləsinin 273.4-cü (Kompyuter məlumatlarının qəsdən zədələnməsi, silinməsi, korlanması, dəyişdirilməsi və ya bloklanması buna hüququ olmayan şəxs tərəfindən törədilməklə əhəmiyyətli zərər vurulması - ictimai əhəmiyyətli infrastruktur obyektlərinin kompyuter sisteminə və ya onun hər hansı bir hissəsinə münasibətdə törədildikdə) maddəsi ilə mühakimə ediləcək. Bu maddədə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 4 ildən 6 ilədək müddətə azadlıqdan məhrum etmə ilə cəzası nəzərdə tutulur.
İvan Kravçukun cinayət işi üzrə "ASAN Xidmət" və MİDA zərərçəkmiş qismində tanınıb.
скачать dle 11.3
Şahidi olduğunuz hadisələri çəkib bizə göndərin!
Son Əlavə