Bakıda və regionlarda oğurluğa görə 13 nəfər saxlanılıb

Median.Az xəbər verir ki, Nəsimi RPİ 21-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu il fevralın 5-dən avqustun 16-dək olan müddətdə, rayon ərazisindəki evlərin birindən 15.600 dollar və 5.000 manat, habelə 3.400 manat dəyərində qızıl üzük oğurlayan, orada xadimə işləyən Lənkəran şəhər sakini Günel Piriyeva saxlanılıb.

Bundan başqa, Nəsimi RPİ 22-ci polis şöbəsi əməkdaşlarının keçirdikləri əməliyyat tədbirləri nəticəsində avqustun 14-də aptekdən kosmetik əşyalar oğurlayan əvvəllər məhkum olunmuşlar Elməddin Əzizov və qardaşı Elgün saxlanılıblar, Nəsimi RPİ 20-ci polis bölməsinin əməkdaşları avqustun 17-də oyun zalından 7 ədəd oyun aparatı və müşahidə kamerasının yaddaş qurğusunu oğurlayan Bakı şəhər sakini, əvvəllər məhkum olunmuş Anar Məmmədovu saxlayıblar, Yasamal RPİ 27-ci polis bölməsinin əməkdaşları avqustun 15-də rayon ərazisindəki evdən 160 manat oğurlayan Babək rayon sakini Günay Abdullayevanı saxlayıblar, Nərimanov RPİ 16-cı polis bölməsi əməkdaşlarının keçirdikləri əməliyyat tədbirləri nəticəsində avqustun 12-də mağazadan 700 manat oğurlayan Şəmkir rayon sakini olan yeniyetmə saxlanılıb, DİN Baş Cinayət Axtarışı İdarəsi və Göygöl RPŞ əməkdaşlarının əməliyyat tədbirləri nəticəsində Yeni Qızılca kəndinin otlaq sahəsindən 6 baş qoyunu oğurlayan Gəncə şəhər sakini, əvvəllər məhkum olunmuş Elzamin Bayramov saxlanılıb, Qusar RPŞ əməkdaşlarının əməliyyat tədbirləri nəticəsində 3 evdən pul və qızıl əşyalar oğurlayan şəhər sakinləri Marat Əlirzayev, Rəşad Tahirov, Seymur Seyidov, əvvəllər məhkum olunmuşlar Fərrux Yarəliyev və Alim Balabəyov saxlanılıblar. Araşdırma zamanı onların Yeni Həyat kəndində, 3 evdən 200 dollar, 3000 rubl və 2250 manat pul, habelə məişət əşyaları oğurlamaları müəyyən edilib. Qusar RPŞ-nin əməkdaşları əməliyyat-axtarış tədbirləri nəticəsində 2016-cı ilin may ayında, rayon ərazisindəki 2 evdən məişət əşyaları və inşaat materialları oğurlayan Qalacıq kənd sakini, əvvəllər məhkum olunmuş Ömər Səlimov saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.