Bakı, Abşeron və Sumqayıtda oğurluğa görə 4 nəfər tutulub

Median.Az xəbər verir ki, DİN Kriminalistik Tədqiqatlar İdarəsi və Binəqədi RPİ 4-cü polis şöbəsinin əməkdaşları keçirdikləri əməliyyat tədbirləri nəticəsində iyulun 6-da evlərin birindən mobil telefon oğurlayan Kürdəmir rayon sakini, əvvəllər məhkum olunmuş Fəqani Soltanovu saxlayıblar.

Bundan başqa, Binəqədi RPİ 5-ci polis bölməsinin əəməkdaşları və DİN Çevik Polis Alayının əməkdaşları iyulun 27-də Ə.Naxçıvani küçəsindən velosiped oğurlayan Bakı şəhər sakini, əvvəllər məhkum olunmuş Emin Salmanovu saxlayıblar. Araşdırma zamanı məlum olub ki, o rayon ərazisindən daha 3 velosiped oğurlayıb.

Sumqayıt ŞPİ 1-ci polis bölməsinin əməkdaşları iyulun 2- və 8-də şəhər sakinlərinə məxsus 2 velosipedi oğurlayan Corat qəsəbə sakini, əvvəllər məhkum olunmuş Teymur Fərəcovu saxlayıblar.

Abşeron RPİ-nin əməkdaşları iyulun 23-də rayon sakini S.Nuriyevanın çantasından, içərisində 820 manat, sənəd və bankomat kartları olan pul kisəsinin oğurlayan Sumqayıt şəhər sakini, əvvəllər məhkum olunmuş Ehtiram Cavanşirlini saxlayıblar.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.