Artıq Naxçıvana onlayn aviabilet almaq mümkündür » Median.Az - Bütün xəbərlər bir ünvanda
23:07 Tramp Ərdoğanla görüşəcək  |     22:06 Gəncədə evə düşən ildırım yanğına səbəb oldu  |     21:29 Ermənistan Milli Təhlükəsizlik Xidmətinin rəhbəri Bakıya gəlib  |     21:24 Kəlbəcərə yarım saata yaxın dolu yağıb  |     21:18 "Yaxşı edib pul almışam" deyən direktor işdən çıxarıldı  |     21:11 Suriyada İŞİD liderlərindən biri öldürüldü  |     21:04 Bakıda və bir neçə rayonda yaşıllıqlara 165 min manatdan çox ziyan vurulub  |     20:59 Bakıda iki avtobus toqquşdu, tıxac yarandı  |     20:51 Bakıda və rayonlarda güclü küləklə bağlı sarı, narıncı xəbərdarlıq verilib  |     20:45 Azərbaycanda sərnişin daşınmaları ilə məşğul olan sahibkarlara subsidiya veriləcək  |     20:39 Məşhur "Formula 1" pilotları Bakıda azarkeşlərlə görüşüblər  |     20:31 Azərbaycanda 11 sığorta agentinin lisenziyasının qüvvəsi bərpa edilib  |     20:25 Erkən nikahla bağlı qanunvericilik sərtləşdirilə bilər  |     20:16 Bəzi çaylardan sel keçəcək - XƏBƏRDARLIQ  |     20:10 Sumqayıtda hündürlükdən yıxılan yeniyetmə ölüb  |     20:02 Avqustda pensiya, aylıq müavinət, Prezident təqaüdü alanların sayı açıqlanıb  |     19:57 Dövlət Agentliyi küləkli hava şəraiti ilə bağlı gəmilərə xəbərdarlıq edib  |     19:50 Bakıda və bölgələrdə leysan yağacaq - PROQNOZ  |     19:41 Minatəmizləmə fəaliyyətinə dair tələblər müəyyənləşib  |     19:36 Xəzər rayonunda 17 min manatlıq mal-qara oğurlamaqda şübhəli bilinən şəxslər saxlanılıb  |    

Artıq Naxçıvana onlayn aviabilet almaq mümkündür

Bu gündən etibarən “Azərbaycan Hava Yolları” (AZAL) milli aviadaşıyıcısının saytında Bakı-Naxçıvan və Naxçıvan-Bakı istiqamətində 2018-ci il 20 iyun tarixindən uçan reyslərə aviabiletləri onlayn əldə etmək mümkündür.

Azərbaycan Respublikası Nazirlər Kabinetinin sərəncamına əsasən, bu istiqamətdə aviabiletin alınması üçün əvvəllər aviaşirkətinin rəsmi kassalarında sərnişinin şəxsiyyət vəsiqəsinin əsli və ya pasportu təqdim olunmalı idi. İdarələrarası razılaşmalara əsasən, bu məsələ artıq öz uğurlu həllini tapıb.

Xatırladaq ki, respublika daxili reyslərə aviabiletlərin qiyməti Tarif Şurası tərəfindən tənzimlənir və hazırda Bakı-Naxçıvan və Naxçıvan-Bakı istiqamətində aviabiletin qiyməti Azərbaycan vətəndaşları və vətəndaşlığı olmayan şəxslər üçün 50 manat, xarici vətəndaşlar üçün isə 70 manat təşkil edir.

www.azal.az saytında həmin istiqamətə aviabiletin alınması prosesində sərnişinin vətəndaşlığını qeyd etməsi üçün əlavə xana əks olunacaq.

Aviabiletlər yalnız ekonom sinif tarifi üzrə təqdim olunur. Aviabiletin qiymətinə 23 kq-dək baqajın və 10 kq-dək əl yükünün (55х40х23 sm-dək ölçülərdə) pulsuz daşınması daxildir. Bu qaydalar həm onlayn, həm də aviakassalarda alınan aviabiletlərə şamil olunur.

Nazirlər Kabinetinin qərarına əsasən müvafiq endirimlərin şamil olunduğu və əlavə təsdiqləyici sənədlərin təqdim edilməsi tələb olunan xüsusi kateqoriyalı sərnişinlər üçün aviabiletlər yalnız aviaşirkətin rəsmi kassalarında, həmçinin Bakı və Naxçıvan hava limanlarında rəsmiləşdirilir.

Qeyd edək ki, Naxçıvan-Bakı və Bakı-Naxçıvan istiqamətində aviabiletləri uçuşa ən azı 48 saat qalmış onlayn almaq olar.

Həmçinin, aviaşirkətin qaydalarına əsasən, aviabilet üçün ödəniş ediliyi plastik kartın sahibi müstəqil şəkildə və ya qrupun tərkibində səyahət etdiyi təqdirdə aviabiletləri onlayn əldə etmək mümkündür. Kartın həqiqiliyi və onun sərnişinin pasportuna uyğunluğu hava limanında qeydiyyat agentləri tərəfindən mütləq qaydada yoxlanılacaq.

Bakı və Naxçıvan arasında reyslər gündə bir neçə dəfə (yüklənmə və mövsümdən asılı olaraq) həyata keçirilir. Aviaşirkətin saytındakı “Məlumat” bölməsində uçuş cədvəl ilə ətraflı tanış olmaq olar.

Bakıdan uçuşlar Heydər Əliyev Beynəlxalq Aeroportunun ikinci terminalının cənub qanadından həyata keçirilir, Naxçıvandan uçuşlar isə Naxçıvan Beynəlxalq Aeroportunun hər iki terminalından həyata keçirilir.скачать dle 11.3




Şahidi olduğunuz hadisələri çəkib bizə göndərin!




            2 762 05.06.18 16:30