Raşid Beqlaryan Xocalı soyqırımı qurbanlarını basdırdığı yerdə: Terrorçunun etirafları - VİDEO » Median.Az - Bütün xəbərlər bir ünvanda
22:59 Prezident seçkisi ilə əlaqədar seçkiqabağı təşviqatın başlama vaxtı AÇIQLANDI  |     22:40 Azərbaycan və Rusiya baş nazirlərinin müavinləri Moskvada görüşdü  |     22:28 Leonid Aqutin təcili olaraq xəstəxanaya yerləşdirildi  |     22:06 "Lada"nın bu modelinin istehsalı dayandırıldı - SƏBƏB  |     21:59 İki bürcün başına bəlalar gələcək - XƏBƏRDARLIQ  |     21:47 FİFA-nın baş katibi Bakıya gəldi  |     21:41 Türkiyə lirəsi yenə ucuzlaşdı  |     21:33 Qəzzada ölənlərin sayı 17 mini ötdü  |     21:27 Hansı bədən formasında ürək sıradan çıxır?  |     21:14 Bu görüntülərdən sonra MKİ hərəkətə kecdi (VİDEO)  |     21:05 Nənəsi öldü, 2 il pensiyasını alıb xərclədi  |     20:50 Gürcüstan XİN başçısının müavini: "Azərbaycanla əlaqlərimiz inkişaf edəcək"  |     20:42 Azərbaycanın Çindəki keçmiş səfiri vəfat edib  |     20:33 Şəkidə məhkumun vaxtilə basdırdığı silah aşakarlanıb  |     20:25 Şuşa və Göygölə prokurorlar təyin edilib  |     20:17 Moskvadan Tbilisiyə uçan təyyarə aeroporta eniş edə bilməyib  |     20:08 Bakıda kafedə vətəndaşa xəsarət yetirən şəxs saxlanılıb  |     20:01 Bu il Everestdə rekord sayda insan ölüb  |     19:41 Ermənistan və Azərbaycan xarici işlər nazirlərinin Brüsseldə görüşü olacaqmı?  |     19:34 Oğuzda qanunsuz kömür istehsalının qarşısı alınıb  |    

Raşid Beqlaryan Xocalı soyqırımı qurbanlarını basdırdığı yerdə: Terrorçunun etirafları - VİDEO

Azərbaycan Respublikasının işğaldan azad edilmiş ərazilərində mövcud olmuş qanunsuz erməni silahlı birləşmələri tərəfindən ötən müddətdə törədilmiş terrorçuluq, sülh və insanlıq əleyhinə, habelə müharibə cinayətləri ilə bağlı kompleks araşdırmalar aparılır.

Bu barədə Dövlət Təhlükəsizliyi Xidməti məlumat yayıb.

Əvvəllər azadlıqları məhdudlaşdırılmaqla Xankəndi şəhərində yerləşən 3 saylı uşaq xəstəxanasında saxlanılmış azərbaycanlı əsirlərə və beynəlxalq humanitar hüquqla müdafiə olunan başqa şəxslərə işgəncə verməkdə, eləcə də sülh və insanlıq əleyhinə, müharibə cinayəti kimi digər ağır cinayət əməllərini törətməkdə, həmçinin qanunsuz erməni silahlı birləşmələrinin fəaliyyətində digər formada iştirak etməkdə şübhəli bilinən Raşid Aramayisi Beqlaryan Azərbaycan Respublikası Cinayət Məcəlləsinin 112, 113, 115.2, 279.1 və 318.1-ci maddələri ilə ittiham olunaraq həbs edilib. Qeyd olunan işgəncələrə məruz qalmış həmin şəxslər müəyyən edilərək hazırkı cinayət işi üzrə zərərçəkmiş şəxs qismində tanınıblar.

Dindirilməsi zamanı təqsirləndirilən şəxs Raşid Beqlaryan 1992-ci ilin fevral ayında Xocalı faciəsinin törədilməsində iştirakçı olması barədə məlumat verərək bildirib ki, 25 fevral 1992-ci il tarixində Ermənistan silahlı qüvvələri və onların tabeçiliyində fəaliyyət göstərən qanunsuz erməni silahlı birləşmələrinin Xankəndi şəhərindən mülki əhalinin sıx yaşadığı Xocalı şəhərinə etdikləri hücum vaxtı qabaqcadan qurulmuş plana uyğun olaraq, sağ qalmış azərbaycanlı dinc sakinlərə təhlükəsiz qaydada Əsgəran rayonundan keçməklə Ağdam rayonu istiqamətində gedə biləcəklərinə dair yalan vədlər verilib, 26 fevral 1992-ci il tarixində özünün də daxil olduğu həmin silahlı birləşmələr azərbaycanlıları kütləvi qırğına məruz qoymaq məqsədilə Qarqarçayın sahili boyunca Ağdam rayonuna doğru hərəkət edən, əksəriyyəti qadın, uşaq və yaşlı insanlardan ibarət 200 nəfərədək mülki şəxsi Əsgəran qalasına yaxın ərazidə pusquya salaraq avtomat silahlardan atəş açmaqla qətlə yetiriblər. Cinayətkar dəstə üzvləri tərəfindən həlak olanların üzərlərindəki şəxsi əşyalar talan edildikdən sonra onların meyitləri Əsgəran qalası ətrafında basdırılıb.

İfadənin yerində yoxlanılması istintaq hərəkəti zamanı Raşid Beqlaryan mülki əhaliyə qarşı cinayət əməllərinin törədildiyi yerləri əyani şəkildə göstərərək bu barədə ətraflı məlumat verib.

Hazırda qeyd olunan cinayət əməlləri ilə bağlı araşdırmalar davam etdirilir.скачать dle 11.3




Нажмите на эту ссылку, чтобы прочитать новость на русском языке.


Şahidi olduğunuz hadisələri çəkib bizə göndərin!




            858 20.11.23 12:31