Çempionlar Liqasının daha bir oyunu təxirə salınıb.
Apasport.az saytının məlumatına görə, 1/8 final mərhələsinin gələn həftə keçirilməli olan “Yuventus” (İtaliya) – “Lion” (Fransa) qarşılaşması keçirilməyəcək.
Buna İtaliya təmsilçisinin futbolçusu Daniele Ruqanidə koronavirusun aşkarlanması səbəb olub. Bütün komanda karantinə alınıb. Bu üzdən də görüş qeyri-müəyyən müddətə təxirə düşüb.
Bu oyun martın 17-də keçirilməli idi. Bunadək “Mançester Siti” (İngiltərə) – “Real” (İspaniya) matçı da təxirə salınıb.
Qeyd edək ki, UEFA avrokuboklarla bağlı martın 17-də qərar verəcək. Turnirlərin koronavirus üzündən dayandırılacağı gözlənilir.
Şahidi olduğunuz hadisələri çəkib bizə göndərin!
Son Əlavə