"Gəncə şəhər C.Cabbarlı adına 6 nömrəli tam orta məktəbin şagirdinin dərs zamanı mobil telefon vasitəsilə sosial şəbəkədə canlı yayım etməsi ilə bağlı hüquq mühafizə orqanları tərəfindən araşdırma aparılır".
Bu barədə Gəncə-Daşkəsən Regional Təhsil İdarəsindən məlumat verilib.
Bildirilib ki, hadisə ilə əlaqədar Gəncə-Daşkəsən Regional Təhsil İdarəsinin müvafiq əmri ilə komissiya yaradılıb, məktəbin direktoruna təhsil müəssisəsində sağlam tədris mühitinin təmin olunması üçün pedaqoji heyətlə və şagirdlərlə maarifləndirici söhbətlərin aparılması tapşırılıb:
"Təhsil müəssisəsində sosial-psixoloji mühiti təkmilləşdirmək məqsədilə peşəkar psixoloqlarla birlikdə təhsilalanların iştirakı ilə davamlı görüşlərin həyata keçirilməsi nəzərdə tutulub. Eyni zamanda, şagirdin valideyni ilə təhsil müəssisəsində görüş keçirilib, maarifləndirici söhbət zamanı belə halların yolverilməz olduğu diqqətə çatdırılıb".
"Şagirdin yeniyetməlik dövrü olduğunu, araşdırma prosesinin davam etdiyini nəzərə alaraq ictimaiyyətdən də bu mövzuda daha həssas davranmalarını, paylaşımlarda rəsmi qurumların açıqlamalarına istinad etməyi xahiş edirik", - deyə məlumatda bildirilib.
Qeyd edək ki, Gəncə şəhər C.Cabbarlı adına 6 nömrəli tam orta məktəbin şagirdi dərs zamanı mobil telefon vasitəsilə "TikTok" sosial şəbəkə platformasında canlı yayım edib.
Şahidi olduğunuz hadisələri çəkib bizə göndərin!
Son Əlavə