Median.Az xəbər verir ki, Binəqədi RPİ 5-ci polis bölməsi əməkdaşlarının keçirdikləri əməliyyat-axtarış tədbirləri nəticəsində mayın 13- və 15-də rayon ərazisində “Chevrolet” markalı avtomobildən qol saatı, “Ford” markalı avtomobildən isə mobil telefon oğurlayan Astara rayon sakini, əvvəllər məhkum olunmuş İ.Əlizadə saxlanılıb.

Bundan başqa, Binəqədi RPİ 6-cı polis bölməsinin əməkdaşları tərəfindən Biləcəri qəsəbəsində 2 avtomobildən akkumulyator oğurlayan paytaxt sakinləri, əvvəllər məhkum olunmuş S.Məmmədov və qardaşı Z.Məmmədov saxlanılıblar.

Binəqədi RPİ 6-cı polis bölməsinin əməkdaşları tərəfindən rayon ərazisində vətəndaş Ə.Həsənova məxsus avtomobildən 300 manat pul və sənəd oğurlayan Bakı şəhər sakini E.Əliyev saxlanılıb.

Suraxanı RPİ 31-ci polis bölməsi əməkdaşlarının keçirdikləri əməliyyat-axtarış tədbirləri nəticəsində mayın 9-da Bakı şəhər sakini E.Yusifovanın avtomobilindən, içərisində gümüş əşyalar olan 2 ədəd çantanı oğurlayan Bakı şəhər sakini O.Musavi saxlanılıb.

Faktlarla bağlı araşdırmalar aparılır.скачать dle 11.3