İki qardaşı öldürən bank işçisinin ömürlük cəzası qüvvəsində qalıb - FOTO
Bakı Apellyasiya Məhkəməsində Bakı şəhər sakini Zaur Tərlanovun (1984-cü il təv.) CM-nin 120.2.4 (xüsusi amansızlıqla qəsdən adam öldürmə), 120.2.7 (iki və ya daha çox şəxsi qəsdən öldürməyə cəhd) və 228.1-ci (qanunsuz olaraq odlu silahı əldə etmə, saxlama və ya gəzdirmə) maddələri ilə məhkum olunmasına dair cinayət işi üzrə məhkəmə prosesi başa çatıb.
Median.Az xəbər verir ki, 2015-ci il yanvarın 8-də Qaradağ rayonunun Sahil qəsəbəsində yaşayan Zaur Tərlanov aralarında şəxsi münasibətlərin pozulması zəminində yaranan mübahisə zamanı özünə məxsus “Vinçester” markalı odlu silahdan Sahil qəsəbəsinin girişində, yolun kənarında dayanmış “Lexus” markalı avtomobilin içərisində oturmuş həmin qəsəbə sakinləri Cahid Rəhimov (1980-ci il təv.) və qardaşı Cavidə (1985-ci il təv.) bir neçə dəfə atəş açaraq, onları qəsdən öldürüb və hadisə yerindən qaçıb.
Daxil olmuş məlumat əsasında hadisə yerinə və meyitlərə baxış keçirilib, maddi sübutlar götürülüb və digər zəruri prosessual hərəkətlər yerinə yetirilib. Faktla bağlı rayon prokurorluğunda cinayət işi başlanaraq, müvafiq ekspertizalar təyin edilib. Səhərisi gün Qaradağ RPİ və 38-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Z.Tərlanov yaxalanaraq, istintaqa cəlb edilib.
İlkin dindirmə zamanı, saxlanılan şəxs cinayəti qısqanclıq zəminində törətdiyini bildirib. Məlum olub ki, Zaur Tərlanov Qaradağ rayonunda fəaliyyət göstərən “Bank Standard”ın əməkdaşı olub.
Bakı Ağır Cinayətlər Məhkəməsinin hökmü ilə Z.Tərlanov ömürlük azadlıqdan məhrumetmə cəzasına məhkum olunub.
Bakı Apellyasiya Məhkəməsi işin hallarını araşdıraraq hökmü dəyişdirilmədən saxlayıb.
Məhkumun vəkili Ali Məhkəməyə kassasiya şikayəti verib.
Ali Məhkəmənin qərarına əsasən, Bakı Apellyasiya Məhkəməsinin qərarı ləğv edilib və iş yeni apellyasiya baxışına göndərilib.
Bakı Apellyasiya Məhkəməsi işi araşdırıb, qərara gəlib ki, hökm dəyişdirilsin və Z.Tərlanova 20 il müddətinə azadlıqdan məhrumetmə cəzası təyin edilsin.
Bu dəfə Ali Məhkəməyə zərərçəkmişin hüquqi varisi kassasiya şikayəti verib.
Ali Məhkəmə kassasiya şikayətini təmin edərər, Bakı Apellyasiya Məhkəməsinin qərarını ləğv edib və işi yeni baxış üçün apellyasiya instansiyasına göndərib.
Bakı Apellyasiya Məhkəməsi işi araşdırıb, zərərçəkmiş tərəfin şikayətini təmin edib və qərara alıb ki, Z.Tərlanov barədə ömürlük azadlıqdan məhrumetmə cəzası dəyişdirilmədən saxlanılsın.
Median.Az xəbər verir ki, 2015-ci il yanvarın 8-də Qaradağ rayonunun Sahil qəsəbəsində yaşayan Zaur Tərlanov aralarında şəxsi münasibətlərin pozulması zəminində yaranan mübahisə zamanı özünə məxsus “Vinçester” markalı odlu silahdan Sahil qəsəbəsinin girişində, yolun kənarında dayanmış “Lexus” markalı avtomobilin içərisində oturmuş həmin qəsəbə sakinləri Cahid Rəhimov (1980-ci il təv.) və qardaşı Cavidə (1985-ci il təv.) bir neçə dəfə atəş açaraq, onları qəsdən öldürüb və hadisə yerindən qaçıb.
Daxil olmuş məlumat əsasında hadisə yerinə və meyitlərə baxış keçirilib, maddi sübutlar götürülüb və digər zəruri prosessual hərəkətlər yerinə yetirilib. Faktla bağlı rayon prokurorluğunda cinayət işi başlanaraq, müvafiq ekspertizalar təyin edilib. Səhərisi gün Qaradağ RPİ və 38-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Z.Tərlanov yaxalanaraq, istintaqa cəlb edilib.
İlkin dindirmə zamanı, saxlanılan şəxs cinayəti qısqanclıq zəminində törətdiyini bildirib. Məlum olub ki, Zaur Tərlanov Qaradağ rayonunda fəaliyyət göstərən “Bank Standard”ın əməkdaşı olub.
Bakı Ağır Cinayətlər Məhkəməsinin hökmü ilə Z.Tərlanov ömürlük azadlıqdan məhrumetmə cəzasına məhkum olunub.
Bakı Apellyasiya Məhkəməsi işin hallarını araşdıraraq hökmü dəyişdirilmədən saxlayıb.
Məhkumun vəkili Ali Məhkəməyə kassasiya şikayəti verib.
Ali Məhkəmənin qərarına əsasən, Bakı Apellyasiya Məhkəməsinin qərarı ləğv edilib və iş yeni apellyasiya baxışına göndərilib.
Bakı Apellyasiya Məhkəməsi işi araşdırıb, qərara gəlib ki, hökm dəyişdirilsin və Z.Tərlanova 20 il müddətinə azadlıqdan məhrumetmə cəzası təyin edilsin.
Bu dəfə Ali Məhkəməyə zərərçəkmişin hüquqi varisi kassasiya şikayəti verib.
Ali Məhkəmə kassasiya şikayətini təmin edərər, Bakı Apellyasiya Məhkəməsinin qərarını ləğv edib və işi yeni baxış üçün apellyasiya instansiyasına göndərib.
Bakı Apellyasiya Məhkəməsi işi araşdırıb, zərərçəkmiş tərəfin şikayətini təmin edib və qərara alıb ki, Z.Tərlanov barədə ömürlük azadlıqdan məhrumetmə cəzası dəyişdirilmədən saxlanılsın.
