Binaların sökülən üzlükləri niyə yenisi ilə əvəzlənmir? - VİDEO
Abşeron rayon Məmmədli qəsəbə sakinləri binalarındakı xoş olmayan görüntüdən narazıdır.
Yeni yaşayış massivinin sakinləri deyir ki, yaşadıqları binalarda üzlüklər təhlükəli hesab olunaraq sökülüb, lakin yenisi ilə əvəzlənməyib. Sakinlər bildirir ki, bu vəziyyət onların binada yaşayışını çətinləşdirir.
Adıçəkilən ərazidə yerləşən Mənzil Komunal Təsərrüfatı İdarəsinin icraçısı Afət Yusifova Baku TV-yə müsahibəsində bildirib ki, binanın üzlükləri FHN-nin göstərişinə əsasən sökülüb.
Yenisi ilə əvəz olunmasına gəldikdə, hələlik məlumat yoxdur.
Xatırladaq ki, 2015-ci ildə Bakının Binəqədi rayonu ərazisində çoxmərtəbəli yaşayış binasında penoplastla üzlənmiş binanın yanması çox sayda insanın ölümünə səbəb olmuşdu.
