Median.Az xəbər verir ki, DİN Baş Cinayət Axtarışı İdarəsi və Neftçala RPŞ əməkdaşlarının birgə keçirdikləri əməliyyat-axtarış tədbirləri nəticəsində ötən il aprelin 8-də rayon ərazisindəki evldən 3570 manat oğurlayan Bankə qəsəbə sakini, əvvəllər məhkum olunmuş Fariz Şirəliyev saxlanılıb.

Bundan başqa, Balakən RPŞ əməkdaşlarının keçirdikləri əməliyyat-axtarış tədbirləri nəticəsində ötən il dekabrın 30-dan bu il yanvarın 5-dək olan müddətdə rayon ərazisindəki 2 həyətyanı sahədən 11 ev quşu, 3 evdən su çəni, elektrik naqili və məişət əşyaları oğurlayan Bərdə rayon sakini, əvvəllər məhkum olunmuş Ədalət Qaracayev saxlanılıb.

Şabran RPŞ əməkdaşlarının keçirdikləri əməliyyat-axtarış tədbirləri nəticəsində Rəhimli kəndindəki evdən 7000 manat dəyərində qızıl-zinət və məişət əşyaları oğurlayan kənd sakini Hüseyn Binəliyev saxlanılıb.

Araşdırma zamanı onun, yanvarın 3-də bir həyətyanı sahədən məişət əşyaları və ərzaq məhsulu oğurlaması məlum olub.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3