2018-ci ildə xarici ali təhsil müəssisələrində təhsil alanların diplomlarının tanınması ilə bağlı 3570 müraciət qəbul olunub.

Bunu jurnalistlərə açıqlamasında təhsil nazirinin müşaviri, Akkreditasiya və Nostrifikasiya İdarəsinin rəisi vəzifəsini icra edən Həsən Həsənli bildirib.

Onun sözlərinə görə, bu rəqəm ötən illərin dinamikası ilə eynilik təşkil edir:

“Bütün səbəblər göstərilməklə, akkreditasiyası olmayan universitetdən tutmuş, sərhəd məlumatları olmayan və ya ümumiyyətlə, mənfi rəy alanların nisbəti 20 faizdir. Bu da təxminən 714 nəfəri təşkil edir.

Şəxslərin 80 faizi problemsiz sənədlərin tanıdılmasına nail olub. Azərbaycanlıların ən çox təhsil aldığı ölkə Türkiyə universitetləridir. Türkiyədə keyfiyyətin təminatı sistemi və tələblər var. Türkiyədə təhsil alanlar içərisində imtina alan yoxdur”.

Nazirlik rəsmisi diplomların nostrifikasiyası prosesinin uzun çəkməsi bir çox məsələlərlə əlaqədardır:

“Əsas səbəbi sorğulara vaxtında cavab verilməməsidir. Bu isə tərəflərin öhdəliyindən asılı olan məsələdir. Biz sentyabrdan sorğuların sayını minimuma endirməyə çalışmışıq. Cari ilin sonu və ya gələn ilin yanvar-fevral aylarında bu sahədə əsaslı dönüş olacaq.

Diplomların tanınmasının gecikməsinin digər səbəbi də müvafiq təşkilatlarla işləməmələridir. Müraciətlərin sərhəd məlumatlarını yoxlamağa çalışırıq. Müraciətə baxırıq ki, diplom həqiqidir, ali təhsil müəssisəsini bitirməsi ilə bağlı insana arayış verilib, qiymətləri əladır. Lakin pasporta baxırıq ki, insan ölkədən heç vaxt çıxmayıb.

Bu sahənin elektronlaşması istiqamətində böyük iş görmüşük. Məlumatların elektron ötürülməsinə çalışırıq və bu, prosesin müddətinin 50 faiz aşağı salınmasına səbəb olacaq. Gecikmənin bir səbəbi də müsahibələrin tələb olunması zamanı olur.

Çünki bunun üçün vaxt təyin olunmalıdır. Bu isə bir çox hallarda asan olmur. Müraciətlərin əksəriyyəti təhsilini bitirib gəlib əsgərliyə gedənlərlə bağlıdır. Onların müsahibələrə gəlməsi də vaxt alır”.
//oxu.azскачать dle 11.3