Median.Az xəbər verir ki, Qaradağ RPİ 10-cu polis bölməsi əməkdaşlarının keçirdikləri əməliyyat tədbiri nəticəsində dekabrın 17-də “Sədərək” ticarət mərkəzində, Abşeron rayon sakini olan qadının, içərisində 440 manat olan pulqabısını oğurlayan Bakı şəhər sakini Nəriman Məmmədov saxlanılıb.

Bundan başqa, Binəqədi RPİ 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində noyabrın 22-də Binəqədi qəsəbə sakini Alış Nəzərovun evində, içərisində 200 manat olan pulqabısını oğurlayan tanışı, Şabran rayon sakini, əvvəllər məhkum olunmuş İlkin Mirzəyev saxlanılıb.

Nərimanov RPİ 17-ci polis şöbəsi əməkdaşlarının keçirdikləri əməliyyat tədbiri nəticəsində dekabrın 17-də marşrut avtobusunda, Bakı şəhər sakini T.Rüstəmovun cibindən mobil telefonunu oğurlamağa cəhd göstərən paytaxt sakini, əvvəllər məhkum olunmuş Nizami Dadaşov saxlanılıb.

Faktlarla bağlı araşdırmalar aparılır.скачать dle 11.3