Median.Az xəbər verir ki, Sabunçu RPİ 15-ci polis bölməsi və Abşeron RPİ əməkdaşlarının keçirdikləri birgə istintaq-axtarış tədbirləri nəticəsində, iyulun 6-da Sabunçu rayonu ərazisindəki evldən 1400 manat pul oğurlayan paytaxt sakini Cabir Qeybalıyev saxlanılıb.

Bundan başqa, Nəsimi RPİ 22-ci polis şöbəsinin əməkdaşları tərəfindən dekabrın 9-na keçən gecə mağazadan 8000 manat dəyərində parfümeriya məhsulları oğurlayan Sumqayıt və Gəncə şəhər sakinləri olan 2 yeniyetmə saxlanılıblar.

Sabunçu dəmiryolu stansiyasının ərazisindən 10 ədəd rels altlığı oğurlamağa cəhd göstərən Gədəbəy rayon sakinləri Vasif Nağıyev və Babək Həsənov DİN Nəqliyyatda Baş Polis İdarəsinin əməkdaşları tərəfindən saxlanılıblar.

Qaradağ RPİ 38-ci polis bölməsi əməkdaşlarının keçirdikləri əməliyyat tədbirləri nəticəsində dekabrın 9-daş karxanasından 3 ədəd mühərrik oğurlayan Qızıldaş qəsəbə sakinləri Yadigar Hüseynov və Fərhad Ağayev saxlanılıblar.

DİN Kriminalistik Tədqiqatlar İdarəsi və Suraxanı RPİ 32-ci polis bölməs əməkdaşlarının keçirdikləri əməliyyat-axtarış tədbirləri nəticəsində bu ilin mart ayından noyabr ayınadək
Qaraçuxur qəsəbəsində, 4 evdən məişət əşyaları və təmir-tikinti alətləri oğurlayan Bakı şəhər sakini, əvvəllər məhkum olunmuş Rauf Hüseynov saxlanılb.

Faktlarla bağlı CM-nin 177-ci (oğurluq) maddəsi ilə istintaq aparılır.скачать dle 11.3