Türkiyə ordusunda kütləvi həbslər

Ankara Baş Prokurorluğu dövlət çevrilişinə cəhdlə bağlı aparılan istintaq araşdırmaları çərçivəsində Türkiyə Silahlı Qüvvələrinin 110 hərbçisinin həbs olunması ilə bağlı qərar verib.

Median.Az NTV-yə istinadla xəbər verir ki, onlar Fətullahçı Terror Təşkilatına üzv olmaqda ittiham edilir.

Saxlanılan şəxslər arasında kiçik zabitlərlə yanaşı, bir neçə polkovnik və kapitan da var. Həmin şəxslərin saxlanılması üçün ölkənin 15 bölgəsində əməliyyat başlayıb.

2016-cı il iyulun 15-də Türkiyə Silahlı Qüvvələrində xidmət edən bir qrup əsgər və zabit ölkədə hərbi çevrilişə cəhd edib.