Türkiyədə FETÖ-yə qarşı apardığı istintaq çərçivəsində Hava, Quru və Dəniz Qüvvələri Komandanlığı və Jandarma Baş Komandanlığında fəal iştirak edən 63 şübhəli müəyyən edilib.
Median.Az Türkiyə mətbuatına istinadən xəbər verir ki, əməliyyatı İstanbul Respublika Baş Prokurorluğu həyata keçirib.
Müvafiq olaraq, Hərbi Hava Qüvvələri Komandanlığından 8 nəfər, Jandarma Baş Komandanlığından 13 nəfər, Quru Qoşunları Komandanlığından 36 nəfər və Dəniz Qüvvələri Komandanlığından isə 6 nəfər saxlanılıb. Saxlanılanlardan 4-ü polkovnik, 8-i polkovnik-leytenant, 12-si mayor, 15-i kapitan, 24-ü kiçik zabit və mütəxəssis çavuşdur. 7 nəfərin axtarışları davam etdirilir.
Qeyd olunub ki, İstanbul Respublika Prokurorluğunun FETÖ/PDY silahlı terror təşkilatının fəaliyyətinin ifşası istiqamətində apardığı araşdırmalar çərçivəsində 6-sı fəal, 2-si təhsil dövründə vəzifəsindən uzaqlaşdırılan, 1-i isə xaric edilmiş 9 şübhəli polis əməkdaşı tutularaq saxlanılıb.
Şahidi olduğunuz hadisələri çəkib bizə göndərin!
Son Əlavə