Türkiyədə genişmiqyaslı FETÖ əməliyyatlarında yüzlərlə insan saxlanılıb

Türkiyə polisi 2016-cı il iyulun 15-də respublikada dövlət çevrilişinə cəhd edən FETÖ təşkilatı ilə əlaqədə şübhəli bilinən 371 nəfəri saxlayıb.

Bu barədə NTV telekanalı məlumat yayıb.

Qeyd olunub ki, əməliyyatlar eyni vaxtda respublikanın 60 vilayətində aparılıb.

Həmçinin bildirilib ki, Türkiyə Milli Kəşfiyyat Təşkilatı və İstanbul Təhlükəsizlik Müdirliyi tərəfindən həyata keçirilən əməliyyat çərçivəsində ölkənin 9 vilayətində FETÖ-nün nəzarətində olan maliyyə strukturlarında əli olmaqda şübhəli bilinən 26 nəfər saxlanılıb.

Xatırladaq ki, 2016-cı il iyulun 15-də və 16-da bir qrup hərbi və mülki sui-qəsdçinin dövlət çevrilişinə cəhd göstərdiyi ikigünlük qarşıdurmada 250-dən çox insan həlak olub, 2 200 nəfər yaralanıb. Türkiyə hakimiyyəti dəfələrlə FETÖ tərəfdarlarını məsuliyyətə cəlb olunana qədər təqib edəcəklərini bəyan edib.скачать dle 11.3

Şahidi olduğunuz hadisələri çəkib bizə göndərin!