"Biz mümkün olan hər yerdə hər cür yollar inşa etməliyik, çünki nəqliyyat vasitələrinin sayı elə bir həddə çatıb ki, tezliklə ştatlararası və respublika əhəmiyyətli yollarda tıxac problemləri ilə üzləşəcəyik".

Bunu Ermənistanın Baş naziri Nikol Paşinyan Nazirlər Kabinetinin iclasında bildirib.

O, əlavə edib ki, belə tıxaclar artıq müəyyən mövsümlərdə və konkret günlərdə müşahidə olunur.

Paşinyanın sözlərinə görə, alternativ yollar yaradılmalıdır: "Müşahidə edirəm ki, alternativ marşrutlar artıq mövcuddur. İnsanlar vərdiş üzündən eyni yollardan istifadə etməyə davam etdikləri üçün bu fakt nəzərə alınmalıdır".

Baş nazir vurğulayıb ki, alternativ marşrutlar insanlara A nöqtəsindən B nöqtəsinə hərəkət etmək üçün əlavə seçimlər təqdim edəcək.
//unikal.azскачать dle 11.3