Mojo.az — elanlar
RU
RU
Son Xəbərlər
19:13 Könül Xasıyeva “pub”da səhnəyə çıxdı - VİDEO | 19:06 Bakının sıxlıq olan yolları - SİYAHI | 18:55 Rusiyaya məxsus təyyarə partlayıcı qurğu barədə siqnaldan sonra Antalyada eniş edib | 18:54 Respublika Fənn Olimpiadalarında iştirak üçün son 1 gün! | 18:32 Altı vəkil kollegiyadan çıxarılıb, 27-si cərimələnib - Rəsmi | 18:23 Bakıdakı qətllə bağlı yeni detallar: "İsgəndər xırıltılı səslə boğazının ağrıdığını dedi" | 18:18 Paşinyan Ceyhun Bayramovun mövqeyini dəstəklədi | 18:08 Azərbaycan beynəlxalq axtarışda olan şəxsi Özbəkistana təhvil verdi | 17:58 104 kq narkotik və 8 mindən çox həb dövriyyədən çıxarıldı (VİDEO) | 17:57 Azərbaycanda qurum rəhbəri 6 000 manat maaş alacaq | 17:30 6 min manat pensiya alan da var, 100 manat alan da – AÇIQLAMA | 17:27 Rövşan Əsgərov Rusiyada məhkəmə qarşısına çıxarılır | 17:03 Əsgər ölümündən əvvəl ürəyindən şikayətlənibmiş... - Həkimə bu cəza verildi | 16:59 Bakıda və rayonlarda güclü külək əsəcək - Xəbərdarlıq | 16:48 16 yaşlı oğlan atasının avtomobilini qaçıraraq aşırdı - FOTO | 16:32 Saatlıda ekoloji cinayət: Qanunsuz balıq ovlayan şəxs 260 saat ictimai işlərə cəlb edildi | 16:18 Peşə təhsilində 33 yeni ixtisas yaradılıb | 16:09 Azərbaycanda artıq ödənilmiş vergilərin geri qaytarılması sadələşdirilib | 16:03 Mərdəkanda köşkdə 7400 manatlıq aksizsiz siqaret aşkarlandı | 16:00 Bursada xanımını 146 qayçı zərbəsi ilə öldürən Azərbaycan vətəndaşına ömürlük həbs tələbi |
Mojo.az Avto
Mojo.az Avto

Qaçırıldığı deyilən "Flydubai" təyyarəsində əslində nə baş verib?

30.09.2026 14:40 411
Qaçırıldığı deyilən
Göyərtəsində 174 sərnişinin olduğu "Flydubai" təyyarəsi Səudiyyə Ərəbistanına eniş edib.

Məlumata görə, hadisəyə səbəb pilotlar kabinəsində baş verən dava olub.

* * * * *

Dubay–Təl-Əviv marşrutu üzrə uçan "Flydubai” aviaşirkətinin təyyarəsində baş verən insident zamanı sərnişinlərin təhlükə ilə üzləşməsinə səbəb olan pilotun Oman, təyyarənin komandirinin isə Birləşmiş Ərəb Əmirlikləri vətəndaşı olduğu bildirilir.


Bu barədə İsrail KİV-i məlumat yayıb.

Məlumata görə, pilotların Rusiya və Ukrayna vətəndaşları olması barədə yayılan əvvəlki məlumatlar təsdiqlənməyib.

Qeyd edək ki, "Flydubai”nin FZ1073 saylı reysi uçuş zamanı pilotlar arasında baş verən fiziki qarşıdurmadan sonra təyyarə Səudiyyə Ərəbistanının Tabuk şəhərinə yönləndirilib və oraya təhlükəsiz eniş edib.

"Reuters"in məlumatına görə, təyyarə uçuş zamanı qısa müddət ərzində təxminən 4,3 km kəskin eniş edib və fövqəladə siqnallar göndərib.

* * * * *

Daha əvvəl ələ keçirilməsi barədə siqnal verən "Flydubai" aviaşirkətinə məxsus sərnişin təyyarəsi Səudiyyə Ərəbistanında eniş edib.

"Report" bu barədə "Ynet"ə istinadən xəbər verir.

Dubaydan Ben-Qurion hava limanına uçan təyyarənin göyərtəsində 180 sərnişin olub. Onlardan 100-ü İsrail vətəndaşıdır.

Nəşr qeyd edir ki, hava gəmisinin ələ keçirilməsi kodu iki pilot arasındakı münaqişədən sonra aktivləşdirilib. Münaqişənin səbəbləri hələ ki açıqlanmayıb. Lakin son məlumatlara görə, təyyarə Səudiyyə Ərəbistanında uğurla eniş edib.

* * * * *

Dubaydan Təl-Əvivə uçan "Flydubai" aviaşirkətinin təyyarəsi hava gəmisinin ələ keçirildiyi barədə siqnal verib.


Bu barədə "Report" "Ynet"ə istinadən xəbər verir.

Məlumata görə, göyərtədə 27-si uşaq olmaqla 174 sərnişin olub.

Siqnal təyyarə İordaniyanın hava məkanına daxil olduqdan sonra verilib. Hava gəmisindən əvvəlcə beynəlxalq qəza vəziyyəti siqnalı olan 7700 kodu, daha sonra isə təyyarənin ələ keçirilməsini bildirmək üçün istifadə olunan 7500 kodu ötürülüb.

Bundan sonra təyyarə geri dönərək Səudiyyə Ərəbistanının hava məkanına qayıdıb və uçuş hündürlüyünü azaldıb. İsrail Hərbi Hava Qüvvələrinin qırıcıları havaya qaldırılıb.

Təyyarə saat 07:05-də Dubaydan yola düşüb və təxminən saat 09:30-da Ben-Qurion hava limanına eniş etməli idi. Təxminən saat yarımlıq uçuşdan sonra hava gəmisi Səudiyyə Ərəbistanı ərazisi üzərində istiqamətini dəyişməyə başlayıb və daha aşağı hündürlükdə hərəkətini davam etdirib.

Bildirilib ki, İsrailin Baş naziri Benyamin Netanyahu və müdafiə naziri təhlükəsizlik məsələləri üzrə təcili müşavirə çağırıblar.

Bununla yanaşı, təhlükəsizlik xidmətinin nümayəndəsi vurğulayıb: "Təyyarənin ələ keçirilməsi barədə mötəbər məlumat yoxdur, pilot həyəcan siqnalını aktivləşdirib".

Son xəbərlər