Hikmət Hacıyev: Kəlbəcər yenidən qurulur - VİDEO
“Prezident İlham Əliyevin siyasətinin nəticəsində biz doğma Kəlbəcərdəyik. Kəlbəcər yenidən qurulur, canlanır və ölkəmizin, hətta dünyanın ən gözəl şəhərlərindən birinə çevrilir”.
Median.Az xəbər verir ki, bunu Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Kəlbəcərdə keçirilən Bal Festivalında çıxışı zamanı deyib.
Hikmət Hacıyev çıxışında 1993-cü ildə Kəlbəcər sakinlərinin doğma yurdlarından didərgin düşdükləri günləri də xatırladıb.
“Mən 1993-cü ilin o qanlı-qadalı günlərini, yaşım az olsa da – təqribən 13-14 yaşım var idi – çox yaxşı xatırlayıram. Kəlbəcərdən olan sakinlərin ayaqyalın, başıaçıq, paltarsız, qidasız halda ilk üz tutduqları yerlərdən biri məhz Gəncə şəhəri idi. O zaman onların yerləşdirildiyi ilk məntəqələrdən biri də Gəncə şəhərindəki Texnologiya Universitetinin yataqxanası idi. Bizim evimiz də həmin ərazinin yaxınlığında yerləşirdi”, – Prezidentin köməkçisi bildirib.
Hikmət Hacıyev həmin günləri hələ də böyük faciə hissi ilə xatırladığını vurğulayıb.
“Yenə də deyirəm, yaşımın az olmasına baxmayaraq, Kəlbəcər sakinlərinin böyük və ağır əzablardan keçərək, Ömər aşırımını o qanlı-qadalı günlərdə ayaqyalın, başıaçıq adlayıb Gəncə şəhərinə pənah gətirmələri yaddaşımdadır”, – o qeyd edib.
Hikmət Hacıyev bildirib ki, bundan sonra da Prezident İlham Əliyevin siyasətinin nəticəsində Kəlbəcərdə daha böyük işlər görüləcək:
“Mən bu münasibətlə bütün kəlbəcərliləri təbrik edirəm. Bizi qonaqpərvərliklə qəbul etdiyinizə, dünyanın müxtəlif ölkələrindən gələn diplomatları da həmişə kəlbəcərlilərə layiq qonaqpərvərliklə qarşıladığınıza görə sizə bir daha dərin təşəkkürümü bildirirəm. Bundan sonra biz yenə gələcəyik. Amma bundan sonra burada yalnız toylara, xeyir işlərə gələcəyik”, – deyə Hikmət Hacıyev vurğulayıb.//apa.az
Median.Az xəbər verir ki, bunu Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Kəlbəcərdə keçirilən Bal Festivalında çıxışı zamanı deyib.
Hikmət Hacıyev çıxışında 1993-cü ildə Kəlbəcər sakinlərinin doğma yurdlarından didərgin düşdükləri günləri də xatırladıb.
“Mən 1993-cü ilin o qanlı-qadalı günlərini, yaşım az olsa da – təqribən 13-14 yaşım var idi – çox yaxşı xatırlayıram. Kəlbəcərdən olan sakinlərin ayaqyalın, başıaçıq, paltarsız, qidasız halda ilk üz tutduqları yerlərdən biri məhz Gəncə şəhəri idi. O zaman onların yerləşdirildiyi ilk məntəqələrdən biri də Gəncə şəhərindəki Texnologiya Universitetinin yataqxanası idi. Bizim evimiz də həmin ərazinin yaxınlığında yerləşirdi”, – Prezidentin köməkçisi bildirib.
Hikmət Hacıyev həmin günləri hələ də böyük faciə hissi ilə xatırladığını vurğulayıb.
“Yenə də deyirəm, yaşımın az olmasına baxmayaraq, Kəlbəcər sakinlərinin böyük və ağır əzablardan keçərək, Ömər aşırımını o qanlı-qadalı günlərdə ayaqyalın, başıaçıq adlayıb Gəncə şəhərinə pənah gətirmələri yaddaşımdadır”, – o qeyd edib.
Hikmət Hacıyev bildirib ki, bundan sonra da Prezident İlham Əliyevin siyasətinin nəticəsində Kəlbəcərdə daha böyük işlər görüləcək:
“Mən bu münasibətlə bütün kəlbəcərliləri təbrik edirəm. Bizi qonaqpərvərliklə qəbul etdiyinizə, dünyanın müxtəlif ölkələrindən gələn diplomatları da həmişə kəlbəcərlilərə layiq qonaqpərvərliklə qarşıladığınıza görə sizə bir daha dərin təşəkkürümü bildirirəm. Bundan sonra biz yenə gələcəyik. Amma bundan sonra burada yalnız toylara, xeyir işlərə gələcəyik”, – deyə Hikmət Hacıyev vurğulayıb.//apa.az
